गाेरखा । दाेलखामा भएकाे माइक्राे दुर्घटनामा परी गाेरखा घर भएकी १ जना महिलाकाे ज्यान गएकाे छ । ज्यान गुमाउने महिला ६० बर्षिया एकुमायाँ अर्याल भएकाे दाेलखा प्रहरीले जनाएकाे छ ।
अर्याल गाेरखा भएर हाल काठमाडौं नागार्जुन नगरपालिका-१ बस्दै आएकाे पनि पुष्टी भएकाे छ ।
दोलखाकाे शैलुङ गाउँपालिका-६ शैलुङ फेदी कालापानीस्थित सडकमा बागमती प्रदेश.०१-००२ ज ६२०८ नम्बरको माइक्रो गएकाे शुक्रबार दिउँसो दुर्घटनामा परेकाे थियाे ।
दुर्घटनामा गम्भीर घाइते भएकी उनको शैलुङ अस्पताल दोलखामा उपचारको क्रममा ज्यान गएकाे प्रहरीले पुष्टी गरेकाे हो ।
साथै साेही दुर्घटनामा घाइते भएका माइक्रो चालकको केएमसी अस्पतालमा, माइक्रोमा सवार ६ जनाको ट्रमा सेन्टर काठमाडौंमा, २ जनाको धुलिखेल अस्पताल काभ्रेमा, १ जनाको टिचिङ अस्पतालमा र १ जनाको कान्ति बाल अस्पतालमा उपचार भइरहेको छ ।