गोरखा । जिल्ला प्रसासन कार्यालय गोरखाले फरक क्षमता भएका १ जना यूवकलाई घरमै पुगेर नागरिकता प्रदान गरेको छ ।
प्रशासनले गोरखा नगरपालिका–३ का २८ बर्षका सन्तोष श्रेष्ठलाई घरमै पुगेर नेपाली नागरिकताको प्रमाण-पत्र प्रदान गरेकाे सहायक प्रमुख जिल्ला अधिकारी चित्राङ्गत बरालले बताए ।
बुवा पृथ्वीनारायण श्रेष्ठ र आमा स्व. पम्फा श्रेष्ठका छोरा सन्तोष हिडडुल गर्न नसक्ने, बोल्न नसक्ने तथा स्वयंले दैनिक काम गर्नसमेत नसक्ने अवस्था रहेकोले घरमा नै पुगेर नागरिकता प्रदान गरिएकाे उनले जानकारी दिए ।
उनलाई सहायक प्रमुख जिल्ला अधिकारी, जिल्ला प्रसासन कार्यालय गोरखााका प्रमुख प्रशासकीय अधिकृत चूडानिधि तिवारी र वडाध्यक्ष चुलबहादुर कुँवर सहितको टाेलीले घरमै नागरिकता वितरण गरिएको छ ।
नागरिकता प्राप्तसँगै सन्तोषले अब सामाजिक सुरक्षा भत्ता, अन्य सरकारी सेवा तथा सुविधाहरु पाउने छन् । स्वास्थ्यका कारण प्रसासन आएर नागरिकता लिन असमर्थ भएका कारण घरमा नै पुगेर दिएकाे प्रशासनले जनाएकाे छ ।
प्रसासनले आफ्नै घरमा आएर नागरिक उपलब्ध गराएपछि परिवारले खुशी ब्यत्त गरेका छन् । उनका बुवा पृथ्वीनारायण श्रेष्ठ प्रसासनले फरक क्षमता भएका यस्ताखालका ब्यत्तीहरुलाई घर-घरमा नै पुगेर सेवा दिनु पर्ने समेत बताए ।
तस्बिर : जिल्ला प्रशासन कार्यालय गाेरखा