गोरखा । स्तरोन्नतीका लागि आजदेखि गोरखाको बारपाक–लाप्राक सडकखण्डमा  सवारी आवागमन बन्द गरिएको छ ।

बारपाक सुलिकोट गाउँपालिकाको–१, बारपाक र धार्चे गाउँपालिका–४, लाप्राक जोड्ने उक्त सडकखण्ड स्तरोन्नतीका लागि आज र भोली २ दिन यातायात सञ्चालनमा रोक लगाइएको हो ।

निर्माणाधिन सडकखण्डमा यातायात बन्द गरेर सडकनिर्माण गर्न लागिएको धार्चे गाउँपालिका–४, का वडाध्यक्ष किसान गुरुङले जानकारी दिए । उनले भने, ‘‘दुईदिनसम्म पूर्णरुपमा सवारी साधनको आवागमन बन्द गरेर निर्माण कम्पनीले ‘व्याक कटिङ’ तथा अन्य संरचना निर्माण गर्न लागेको छ ।’’

शर्मा/विक्की जेभी निर्माण कम्पनीमार्फत सो सडकखण्ड निर्माणको काम भइरहेको छ । तोकिएको अवधीमा बारपाक–लाप्राक सडकखण्डको हुँदै सञ्चालन हुँदै आएका सवारी साधनहरुलाई वैकल्पिक बाटोको प्रयोग गर्न आग्रह गरेको अध्यक्ष गुरुङले बताए ।

गोरखाको पर्यटकीय गन्तव्यको रुपमा रहेको बारपाक र लाप्राक सडकखण्ड समयमा निर्माण सम्पन्न नहुँदा यात्रुहरुले सास्ती खेप्दै आउनु परेको छ । सडकस्तरोन्तीमा ढिलाइ भएकाले हरेक बर्ष बर्खाका बेला उक्त सडकखण्ड महिनौसम्म अवरुद्ध हुने गरेको छ ।

वि.स २०७७ जेठमा ठेक्का सम्झौता गरी ०७९ जेठसम्ममा निर्माण सम्पन्न भइसक्नुपर्ने भएपनि सडकस्तरोन्नतीको काम अझैसम्म सम्पन्न हुन सकेको छैन् ।

लेखकबाट थप:

• साताकाे तेस्राे दिन पनि सुन चाँदिकाे मूल्य घट्याे (कतीमा काराेबार हुदै छ)
• आजदेखि मुस्ताङकाे घरपझोङमा जलवायु सम्मेलन हुदै
• नेपाल राष्ट्र बैंकले मंगलबारकाे लागि निर्धारण गरेकाे विदेशी मुद्राको विनिमयदर
• आजकाे माैसम : ३ प्रदेशमा भारी वर्षाको सम्भावना
• सुन ताेलामा ११ सयले घट्याे