साँकेतिक तस्बिर
सुनसरी । श्रीमतीको हत्या आरोपमा इटहरीबाट प्रहरीले १ जना शिक्षकलाई पक्राउ गरेकाे छ ।
खोटाङ ऐसेलुखर्क गाउँपालिका-१ की २५ वर्षीया अनिशा भट्टराईको हत्या आराेपमा उनकै श्रीमान सुमन दाहाललाई प्रहरीले सोमबार साँझ पक्राउ गरेको हाे ।
सुनसरी प्रहरी प्रमुख प्रहरी उपरिक्षक केशव थेबेका अनुसार अनिशा लोक सेवा आयोगको तयारीका लागि इटहरी उपमहानगर-१२ मा डेरा गरेर बसिरहेकी थिइन् ।
उनलाई भेट्न आएका सुमनसित घरेलु विषयमा झगडा परे लगत्तै सुमनले अनिशामाथि काठको बटमले टाउकोमा प्रहार गरेका थिए । आक्रमणबाट गम्भीर घाइते अनिशाकाे उपचारकाे क्रममा ज्यान गएको प्रहरी जानकारी दिएकाे छ ।
पक्राउ परेका सुमन शिक्षक भएकाे खुल्न आएकाे पनि प्रहरीले जानकारी दिएकाे छ । सुमन र अनिशाकाे ६ वर्षको प्रेम सम्बन्धपछि गएको वैशाखमा बिहे भएको थियाे ।
