साँकेतिक तस्बिर
गोरखा । गोरखाको १ जना यूवकले आफ्नै प्रेमिकाको नग्न तस्बिर सामाजिक सञ्जालमा हालेको आरोपमा प्रहरीले नियन्त्रणमा लिएको छ ।
रिलेशन सिपमा रहेको आफ्नै प्रेमिकाको नग्न तस्बिर हालेको आरोपमा शाहिदलखन गाउँपालिका–२ बस्ने १९ बर्षका जिफ्रान थापा मगरलाई प्रहरीले नियन्त्रणमा लिएको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी ईन्द्र प्रसाद सुवेदीले जानकारी दिए ।
उनलाई अहिले विद्युतिय कसूरमा मुद्वा दर्ता गरी अनुसन्धान भई रहेको पनि उनले बताए ।
पक्राउ परेका यूवकले नाम परिवर्तित “(०८१।०८२) फ कुमारी” का प्रेमीलाई सामाजिक सञ्जालमा भिडियो कल गर्न लगाई विभिन्न बर बहाना बनाई विश्वास दिलाई अश्लिल हर्कत गर्न लगाएर मोबाइलमा स्क्रिन रेकर्ड गरेको प्रमाण फेला परेको प्रहरीले जनाएको छ ।
आफ्नै मोबाईलमा सुरक्षित राखीए ति भिडियो अन्य साथीभाईलाई सामाजिक सञ्जाल मार्फत सार्वजनिक गर्न लागएर महिलाको चरित्र हत्या, अपमान गरी अमर्यादित कार्य गरेको भन्ने पीडितको जाहेरी गोरखा प्रहरीमा परेपछी यूवकलाइ पक्राउ गरीएको सूचना अधिकारी सुवेदीले बताए ।
यूवकले प्रयोग गरेको मोबाईल गोरखा प्रहरीले फरेन्सीक ल्याबमा परिक्षणको लागी पठाएको र त्यसको अनुसन्धान प्रतिवेदन आउन बाँकी रहेको छ ।
जिल्ला प्रहरी कार्यालय गोरखाका प्रहरी प्रमुख प्रहरी उपरिक्षक भरत बहादुर बि.क.ले उक्त कसूर विद्युतीय (ईलेक्ट्रोनिक) कारोबार ऐन, २०६३ ले निषेधित गरेको कार्य भएको भन्दै सो गर्ने जो कोहीलाई कानून बमोजिम दण्ड सजायको ब्यवस्था भएको कोही कसैले कुनै पनि बर–बहानामा कोही कसैको अश्लिल तथा गोप्य राख्नुपर्ने फोटो भिडियोहरु खिच्न÷कैद नगर्नुहुन अनुरोध गरेको छ ।
यदी कोही कसैले त्यस्तो कार्य गरे गराएको भए तत्कालै गोरखा प्रहरीमा सम्र्पक राखी जानकारी दिन पनि प्रउ बिकले आग्रह गरेका छन् ।