राजु लामा/कतार । कतारमा नेपाली इद धमाका–२०२५ हुने भएको छ । कार्यक्रमका लागि नेपालबाट सुपर स्टार नायक पल शाह सङ्गै गायक टंक तिमिल्सिना र मोडल तथा डान्सर स्मारिका ढकाल कतार आउने भएका छन ।
दि गोर्खाज इन्टरटेन्मेन्ट हाउसको आयोजना र नेपाली फिट्नेश टिम कतारको सह(–आयोजनामा मार्च ३१ तारिक अर्थात नेपाली क्यालेन्डर अनुसार २०८१ साल चैत्र १८ गते कार्यक्रमको आयोजना गरीएको हो ।
मुस्लिम धर्मावलम्बीहरुको महान पर्व इद उल फित्रको अवसर पारेर अल लुक्ता स्थित ट्युनिसियन स्कुलको हलमा कार्यक्रमको आयोजना गरीएको आयोजकले जनाएको छ ।
साङ्गीतिक कार्यक्रमकोलागी नेपालबाट सुपर स्टार नायक पल शाह, नेपाली गीतसङ्गीतको क्षेत्रमा आफ्नो छुट्टै पहिचान बनाउन सफल चर्चित तथा भर्सटायल गायक टंक तिमिल्सिना र मोडल तथा डान्सर स्मारिका ढकाल कतार आउने कार्यक्रमका म्यानेजर राकेश श्रेष्ठले जानकारी दिए ।
उक्त साँगितिक कार्यक्रमबाट उठेको मध्ये नेपाली १ लाख रुपैयाँ मानव सेवा आश्रम गोरखाको भवन निर्माणकोलागी सहयोग उपलब्ध गराउने म्यानेजर श्रेष्ठले बताए ।
साँगितिक कार्यक्रममा आउने मध्य महिलाहरुले ४५ दिनसम्म टिकटको अर्ध कट्टी लिएर आएमा हर्मोसा ब्यूटी सेन्टरले मेकअपमा २५ प्रतिशत छुटको व्यबस्था गरेको पनि बताए ।
कार्यक्रम कतारको समय अनुसार दिउँसो १२ः३० बजे बाट सुरु हुने छ ।
