प्रतिकात्मक तस्बिर
गोरखा । जिल्लामा तेस्रो ‘गोरखा डान्स स्टार’ प्रतियोगिता हुने भएको छ । गोरखा डान्स एकेडेमिको आयोजना र दारी ग्याङको सह–आयोजनामा प्रतियोगिता हुन लागेको हो ।
प्रतियोगिताल ३ चरणमा हुने अध्यक्ष अजय बिकले जानकारी दिए । उनका अनुसार खुल्ला, एकल र सामुहिक नृत्य हुने छ । पहिलो र दोस्रो प्रतियोगिता सफल भएपछी तेस्रोको तयारी गरीएको पनि उनले बताए ।
प्रतियोगिताको लागी जिल्ला भित्रको सबै स्थानिय तह संग समन्वय गरिएको छ । लुकेर बसेका प्रतिभाहरुलाई बाहिर ल्याउने उद्वेश्यले प्रतियोगिताको आयोजना गरिएको आयोजक संस्थाले जनाएको छ ।
डिजिटल, फिजिकल र पब्लिक अडिसन गरी ३ प्रकारको अडिसनपछी उत्कृष्ट ब्यत्तीको छनौट हुने छ ।
कार्यक्रम तालिका अनुसार पहिलो डिजिटल अडिसन यही चैत्र १५ गते शुक्रबारदेखी सुरु हुने छ भने फिजिकल अडिसन २०८२ साल बैशाख २० गतेदेखी सुरु हुने अध्यक्ष बिकले बताए ।
प्रतियोगितामा पहिलो हुनेले ५० हजार, दोस्रो हुनेलाई ३० हजार र तेस्रो हुनेलाई २० हजार नगद सहित प्रमाण पत्र प्रदान गरीने आयोजकले जनाएको छ ।
