गाेरखा । नेपालकै पहिलाे मनकामना केबलकार भाेलीदेखी नियमिम रुपमा सञ्चालनमा आउने भएको छ ।
टावरकाे नियमित मर्मत सम्भारकालागी हिजाे र आज केबलकार बन्द गरिएकाे मनकामना दर्शन प्रालिका नायब प्रबन्धक उज्वल शेरचनले जानकारी दिए ।
उनका अनुसार नियमित मर्मत सम्भारका लागि पुस १ र २ गते सेवा बन्द गर्न लागिएको हाे । केबलकार प्रशासनले पनि सूचना जारी गर्दै टावरको मर्मतका लागी २ दिन बन्द गर्न लागिएको जनाएकाे छ ।
मर्मत गरेर पुस ३ गते बुधवार बिहानैदेखि नियमित सञ्चालनमा आउने पनि नायब प्रबन्धक शेरचनले बताए ।
गोरखाको प्रसिद्ध धार्मिकस्थल मनकामना मन्दिर जाने दर्शनार्थीलाई सहज बनाउने उद्देश्यले २०५५ साल मङ्सिर ८ गतेदेखि मनकामना केबलकार सञ्चालनमा ल्याइएको हो ।
