फाईल तस्बिर
सोलुखुम्बु । सोलुखुम्बुको स्याङ्बोचे विमानस्थलमा कैलास एअरको हेलिकप्टर ग्राउण्डेड भएको छ । इन्जिनमा खराबी आएकाले हेलिकप्टर २ हप्तादेखि ग्राउन्डेड भएको हो ।
सिलिङ उडानमा रहेको कैलासको ९ एन–एएमटी हेलिकप्टर स्याङ्बोचे विमानस्थलमा ग्राउण्डेड भएको नेपाल नागरिक उड्डयन प्राधिकरण लुक्लाका प्रमुख उमेशकुमार पन्थीले बजानकारी दिए ।
इन्जिनमा खराबी आएको र त्यसको पार्टपुर्जा नपाएका कारण हेलिकप्टर रोकेर राख्नु परेको कैलास एयरले जनाएको छ । हेलिकप्टर खुम्बु क्षेत्रमा खाद्यान्न तथा अन्य सामग्रीहरु ढुवानीका लागि प्रयोग हुँदै आएको थियो ।
विश्वको अग्लो ठाउँमा रहेको स्याङ्बोचे विमानस्थलमा लामो समयदेखि हेलिकप्टरहरुले मात्रै उडान हुदै आएको छ । यो विमानस्थल समुद्री सतहबाट करिब ३ हजार ७०० मिटरको उचाइमा रहेको छ ।