गोरखा । गोरखामा जन्ती गएको जिप दुर्घटना हुदा ५ जनाको मृत्यु भएको छ । गएराती शहिद लखन–३ पात्ले खोलामा भएको दुर्घटनामा परी १ जना महिला र ४ जना पुरुषको घटना स्थलमा नै मृत्यु भएको गोरखा प्रहरीले पुष्टी गरेको हो ।
शहिद लखन ३ को सिलिङकोटबाट दुलही लिएर शहिद लखन गाउँपालिका–५ को ताक्लुङ तर्फ फर्कने क्रममा प्रदेश नम्बर ३–०१–०२३ च ४४२७ नम्बरको जन्ती चढेको जिप दुर्घटना भएको जिल्ला प्रहरी कार्यालय गोरखाका प्रहरी नायब उपरिक्षक तथा सूचना अधिकारी लिलाराज लामिछानेले जानकारी दिए ।
दुर्घटनामा परी जन्ती गएका मध्ये शहिद लखन गाउँपालिका–५ ताक्लुङ पोखरी डाडाँ बस्ने बर्ष १९ को प्रविन थापा, बर्ष २८ का बिरबहादुर थापा, बर्ष १९ का निरज थापा, बर्ष १९ की नविना थापा र बर्ष ६४ को धनबहादुर थापाको घटना स्थलमा नै मृत्यु भएको हो ।
मृक्तक सबैका शव निकाल्ने काम जारी रहेको पनि प्रहरी जनाएको छ । कच्ची सडकबाट जीप २५० मिटर तल खसेको छ । शव यत्रतत्र छरिएकाले उद्वारमा समस्या भएको प्रनाउ लामिछानेले बताए ।
उनका अनुसार रातको २ बजेको समयमा भएको दुर्घटनामा परी अन्य १२ जना घाईते भएका छन् । घाईते मध्ये ९ जनाको आँबुखैरेनीमा रहेको अस्पतालमा उपचार भईरहेको र ३ जनालाई भने बिहान थप उपचारको लागि भरतपुर तर्फ लगिएको छ ।
गहिरो खोच र अप्ठारो पहरा भएका कारण शबको उद्वारमा नेपाल प्रहरी, शसत्र प्रहरी, नेपाली सेना तथा स्थानियले उद्वार गरीरहेको छ ।
