गोरखा । गोरखाको सिम्लेमा पहिरोमा पुरिएर १ जना पुरुषको मृत्यु भएको छ । मृत्यु हुनेमा सिरानचोक गाउँपालिका–७, सिम्ले घर भएका ८५ बर्षका सुकबहादुर सार्की भएको गोरखा प्रहरीले पुष्टी गरेको हो ।
जिल्ला प्रहरी कार्यालय गोरखाका प्रहरी नायव उपरीक्षक तथा सूचना अधिकारी लिलाराज लामिछानेले दिएको जानकारी अनुसार सोमबार घरबाट तल खहरे जान्छु भनेर निस्किका सार्की घर नफर्किएपछि परिवार सहित आफ्न्तहरुले खोजी गर्ने क्रममा मंगलबार अवेर सिरानचोक गाउँपालिका–७, स्थित र्भोले खोला माथिको ठूलो पहिरोमा पुरिएको अबस्थामा मृत्त शरिर फेला पारेको हो ।
घटनाको जानकारी प्राप्त भए लगत्तै इलाका प्रहरी कार्यालय जौवारीबाट प्रहरीको टोली घटनास्थलमा पुगेर शवको उद्धार गरेको प्रहरीले जनाएको छ ।
मृतक सार्की गाउँमा कटुवाल पेशा गर्दै आएका ब्यक्ति हुन । घटनाका सम्बन्धमा अनुसन्धान भई रहेको गोरखा प्रहरीले जनाएको छ ।
