गोरखा । नेपाल पत्रकार महासंघ गोरखा शाखाले शुद्विकरण अभियान अन्तरर्गत ९ जना सदस्यको सदस्यता खारेजीको लागि सिफारीस गर्ने निर्णय गरेको छ । सोमबार कार्य समितिका पदाधिकारीहरुको बैठकले ४ जना नयाँ सदस्यलाई थप गर्ने निर्णय समेत गरेको सचिव विकास मरहट्टाले जानकारी दिए ।
सोमबार शाखामा भएको पदाधिकारी बैठकले किशोर जंङ थापा, दिपक श्रेष्ठ, राजेन्द्र न्यौपाने, शिव उप्रेती, सन्दिप सुनार, बिमल श्रेष्ठ, रेनु श्रेष्ठ, संस्मिता पन्त र उद्वव कुमालको सदस्यता नविकरण नगर्ने निर्णय गरेको छ ।
अध्यक्ष नरहरी सापकोटाको अध्यक्षता भएको बैठकले ४ जना सदस्य थप गर्ने निर्णय भएको सचिव मरहट्टाले जानकारी दिए । उनका अनुसार मेलिना बराम, अस्मिता सिंखडा, विवर गुरुङ र सुदिप श्रेष्ठको सदस्यता थप गर्ने निर्णय भएको छ ।
अधिल्लो कार्य समितिले पदाधिकारी बैठकले नामावली ठुगो लगाने निर्णय भए लगत्तै सोमबार भएको पधिकारी बैठकले उक्त निर्णय गरेको हो । बैठकमा उपाध्यक्ष नरेन्द्र ढकाल, सचिव बिकास मरहट्टा तथा सह सचिवहरुमा गुणराज रोक्का र केशव गुरुङको उपस्थिती रहेको थियो ।
सोही बैठकमा उपस्थित भएका सहसचिव रोक्काले भने सोमबार नै नोटअफ डिसेन्ट लेख्दै शुद्विकरणमा क्रियाशिल पत्रकारहरु समेत परेको भन्दै असहमती जनाएको पनि सचिव मरहट्टाले जानकारी दिए ।
