गोरखा । गोरखाको ताक्लुङमा विद्यालयलाई जग्गा दान दिने ब्यत्तीको घर गाउँले सबै मिलेर बनाउन थालेको छन् । सहिद लखन गाउँपालिका–४ स्थित ताक्लुङमा रहेको सिंजाली माध्यामिक विद्यालयको भवन निर्माणका लागि अपुग जग्गा उपलब्ध गराउने जग्गादाताको गाउँलेहरु श्रमदान मार्फत घर निर्माण गरिदिन लागेका हुन् ।
०७२ सालमा आएको ‘गोरखा भुकम्प’ले क्षति पुरर्याएको सिंजाली माध्यामिक विद्यालयको भवन निर्माणका लागि आबश्यक पर्ने १२ रोपनी जमिन उपलब्ध गराउने स्थानियको घर निर्माण सुरु गरिएको वडाध्यक्ष यमबहादुर थापाले जानकारी दिए ।
विद्यालयको नाममा करिव ८ रोपनी मात्र जग्गा रहेको र १२ रोपनी अपुग भए पछी वरपर भएका स्थानियले आफ्नो घर भत्काएर उक्त जमिन उपलब्ध गराएको वडाध्यक्ष थापाले बताए । बिद्यालयलाई जमिन दिदा ७ वटा घर भत्काउनु परेकोले सोही घर अहिले नजिकै रहेको स्थानमा निर्माण भईरहेको र निर्माण कार्यमा स्थानिय सबै जुटेको पनि वडाध्यक्ष थापाले जानकारी दिए ।
घर निर्माणमा विद्यालयका अभिभावक, जनप्रतिनिधि तथा स्थानीयवासीहरु मिलेर श्रमदान गरीरहेका छन् । घर बनाउने सामाग्री पनि स्थानिय आफैले जुटाएका छन् ।
श्रमदान मार्फत स्थानीयबासीहरु जुटेर घर निर्माण गरे संगै गाउँपालिका अध्यक्ष रमेशबावु थापा मगर, उपाध्यक्ष इन्दिरा तिवारी, वडा नम्बर ६ का वडाध्यक्ष दिलिपनारायण थापा, वडा नम्बर ९ का वडाध्यक्ष रामकुमार श्रेष्ठ लगायत समेतले श्रमदान गर्न उक्त स्थानमा पुगेको स्थानियले जानकारी दिए ।
भुकम्पले क्षति पुरर्याएको विद्यालय भवन चाइना सरकारको सहयोगमा निर्माण हुने भएको छ ।