गोरखा । गोरखाको फलाटेमा फेला परेको लोपोउन्मुख तामे सालकको उद्वार गरिएको छ । गण्डकी गाउँपालिका–४ को फलाटे क्षेत्रमा बिश्वमै अति दुर्लभ मानिएको लोपोन्मुख तामे सालकको शुक्रबार बिहान उद्वार गरिएको हो ।
स्थानीयबासी प्रेमकुमार श्रेष्ठको घर नजिकै पोखरीमा बयस्क तामे सालक फेला परेप५ी डिभिजन बन कार्यालय गोरखाको टोलीले सालकको उद्वार गरेको डिभिजन बन कार्यालययका बन अधिकृत रविआनन्द गोपालीले जानकारी दिए ।
सालकको अवैध सिकार गरेर मासु खाने र त्यसको खपटाबाट क्यान्सर तथा दमको रोग निको हुने विश्वासमा सिकार गर्ने गरेको पाईन्छ । यस प्रकारको प्रजाती समुन्द्र सतहदेखि १ हजारदेखि २ हजार २०० मिटरसम्मको उचाईमा पाइन्छ ।
उद्वार गरिएकोे सालकलाई उसैको प्राकृतिक बासस्थान ठाडेखोलको जंगलमा आज छाडिएको पनि डिभिजन बन कार्यालयले जानकारी दिएको छ । बिश्वमा पाइने ८ जातिका सालक मध्ये नेपालमा अतिसंकटापन्न कालो सालक, लोपोन्मुख तामे सालक गरी २ प्रजातिका सालक पाइने पनि डिभिजन कार्यालयले जनाएको छ ।
सालकको मुख्य आहारा कमिला, धमिरा लगायतका किरा भएकाले उत्त सालक आहारको खोजीमा निस्कएको हुनसक्ने अनुमान कार्यायले गरेको छ ।