गोरखा । गोरखाको हर्मीमा बसले च्याप्दा १ जना महिलाको मृत्यु भएको छ । सिरानचोक गाउँपालिका–३ को हर्मी स्थित थानेस्वाँरास्थित सडकमा बसले च्यापेर महिलाको मृत्यु भएको हो ।
मृत्यु हुनेमा सिरानचोक गाउँपालिका–३ थानेस्वाराकी ६५ वर्षीया पुतली सर्कीनी भएको जिल्ला प्रहरी कार्यालय गोरखाका प्रहरी नायब उपरिक्षक तथा सूचना अधिकारी लिलाराज लामिछानेले जानकारी दिए ।
गोरखा बजारबाट हर्मीको लागि गएको ग १ ख ६४६५ नम्बरको बसको सबै यात्रुलाई ओरालेर पार्किङ गर्ने क्रममा बसको चक्काले च्यापीएर उनको घटना स्थलमा नै मृत्यु भएको थियो ।
बुधबार साँझ भएको उक्त घटना पछि प्रहरीले बस र चालकलाई नियन्त्रणमा लिएको जनाएको छ । दुर्घटना के कसरी भयो भन्ने बारेमा अनुसन्धान सुरु गरिरहेको गोरखा प्रहरीले जनाएको छ ।
