गोरखा । २ साता अगाडी गोरखाको घैरुङबाट प्रहरीले नियन्त्रणमा लिएको हुचिललाई प्राकृतिक बासस्थानमा छाडिएको छ । डिभिजन बन कार्यालय गोरखाले ति हुचिललाई प्राकृतिक बासस्थानमा लगेर छोडेको हो ।
कार्यालयले अदालतको आदेश लिएर प्राकृतिक बासस्थानमा छाडिको जानकारी दिएको छ । जेठ १८ गते सहिदलखन गाउँपालिका–६ घैरुङका २७ बर्षका मोहन सिं थापा र २० बर्षका विकास थापाको घरमा अबैध रुपमा पालेर राखेको हुचिललाई कार्यालयले प्राकृतिक बासस्थानमा छोडिएको डिभिजन बन कार्यालय गोरखाले जनाएको छ ।
कृतिम वासस्थान र आहाराबाट लामो समयसम्म बचाउन कठिन हुने भन्दै प्राकृतिक वासस्थानमा नै सुरक्षित छोड्न जिल्ला अदालत गोरखाले निर्देशन दिएपछि कार्यालयले सहिद लखन गाउँपालिकाको तामली भिरमा लगेर हुचिललाई छोडिएको हो ।
‘हुचिललाई उसको साविकको बासस्थान बाहेक अन्य ठाउमा छोड्दा आहारको खोजीमा समय लाग्ने र सजिलै प्राकृतिक बासस्थानमा घुलमिल हुन सजिलो होस भनेर सोही स्थानमा छोडिएको कार्यालयले जानकारी दिए छ ।
हुचिल छाडीदा वडाध्यक्ष, स्थानीय, प्रहरी र पत्रकारको रहोवरमा छाडिएको थियो ।
हुचिल सहित पक्राउ परेका दुवै जना माथि भने जिल्ला अदालत गोरखामा अवैध वन्यजन्तुको आखेटोपसार ओसारपसार मुद्धा दर्ता गरी अनुसन्धान अघि बढाइएको कार्यालयल जनाएको छ ।
हुचिल संरक्षित प्रजातीको चरो हो । लाटोकोसेरो प्रजातिको यो चरोलाई जादुगर चरोको उपनामले समेत परिचित छ । लुप्तप्रायः संरक्षित चरो हुचिल जीवबैज्ञानिकहरू लाई समेत चक्करमा पार्ने स्वभाव र क्षमताको हुन्छ । यो चरो बोत्सवाना, मोजाम्बिक, दक्षिणअफ्रीका र एसियाका केही देश नेपाल, भारत आदिमा मात्र पाइन्छ ।
नेपालमा २३ प्रजाती हुचिल पाईन्छ । त्यस मघ्ये ९ प्रजातीको हुचिल भने लोपोन्मुख अबस्थामा छन् ।