गोरखा । गोरखा सदरमुकाममा आज बिहान बस दुर्घटना भएको छ । नारायणगढबाट आरुघाट तर्फ जादै गरेको ना. ५ ख ७२११ नम्बरको बस गोरखा नगरपालिका–८ को ढुङ्गागाडेमा दुर्घटना भएको हो ।
बिहान १०ः५५ बजे भएको उक्त दुर्घटनामा बसमा सवार सबै घाईते भएका छन् । घाईते मध्ये ३ जनालाई भने थप उपचारको लागि चितवन लगिएको जिल्ला प्रहरी कार्यालय गोरखाका प्रहरी नायब उपरिक्षक तथा सूचना अधिकारी लिलाराज लामिछानेले जानकारी दिए ।
उनका अनुसार उक्त बसमा सवार आरुघाट गाउँपालिकाका ५५ बर्षिय खड्गबहादुर घले, गोरखा नगरपालिका–१४ देउरालीका २७ बर्षिय कमल पन्त र चितवन रत्ननगर नगरपालिकाकी जानुका श्रेष्ठलाई गोरखा अस्पतालमा सामान्य उपचार पछि थप उपचारको लागि भरतपुर लगिएको हो ।
गोरखा अस्पतालमा भने चालक सहित अन्यको उपचार भई रहेको छ । बसमा १५ जना सवार रहेको पनि जिल्ला प्रहरी कार्यालय गोरखाले जानकारी दिएको छ ।
तिब्र गतीका कारण सब दुर्घटनामा परेको प्रहरीले प्रारम्भीक अनुसन्धानबाट देखिएको जनाएको छ ।
