गाेरखा बजार अनुगमनका क्रममा फेला परेकाे म्याद गुज्रीएका र अखाद्द बस्तु नष्ट गर्दै नेपाल प्रहरी
गोरखा । गोरखा बजारमा अनुगमनका क्रममा अधिकांश पसलमा म्याद गुज्रीएका सामग्री र अखाद्य बस्तु फेला परेका छन् ।
जिल्ला प्रशासन कार्यालय गोरखाको अगुवाईमा भएको बजार अनुगमनका क्रममा म्याद गुज्रीएका सामाग्री र अखाद्य बस्तु फेला परेको हो ।
सहायक प्रमुख जिल्ला अधिकारी पुस्कर राना सहितको टोलीले बजार क्षेत्रमा रहेका किराना पसल र होटलहरुमा अनुगमन गर्दा म्याद गुज्रीएको र अखाद्य बस्तु फेला परेको हो ।
जन स्तरबाट बजारमा म्याद गुज्रीएको सामाग्री बिक्री भएको र अखाद्य बस्तु समेत ब्यापारीले बिक्री गरेको गुनासो पछि प्रशासनले बिहीबार बजारका केही पसल र होटलहरुमा अनुगमन गरेको थियो ।
उक्त अवशरमा ७ वटा किराना पसलको अनुगमनमा ६ वटा पसलमा म्याद गुज्रीएको र अखाद्य बस्तु फेला परेको सहायक प्रमुख जिल्ला अधिकारी रानाले जानकारी दिए ।
अनुगमका क्रममा चियापत्ती, केक, मिठाई, कुरकुरे, चिप्स, बियर, जुस, म्यक कफि र मह जस्ता अखाद्य बस्तु फेला परेको र सबै सामाग्री जफत गरिएको छ ।
जफत गरिएका त्यस्ता सामाग्री प्रहरीले सबैको रोहबरमा नष्ट गरेको छ ।
