गोरखा । विश्व बातावरण दिवशको अवशरमा आज गोरखाको बिसे नगर्ची पार्कमा बृक्षारोपण गरिएको छ । गोरखा नगरपालिकाको आयोजनामा वडा नम्बर ६ मा रहेको पार्कमा बृक्षारोपण गरिएको हो ।
कार्यक्रममा प्रमुख अतिथी एवं गोरखा नगरपालिकाका प्रमुख कृष्णबहादुर राना मगरले गोरखा नगरपालिकालाई वातावरणमैत्री बनाउनुपर्नेमा जोड दिएका छन् । उनले उक्त अवशरमा मानव जातिको महत्वाकांक्षाका कारण प्रकृतिको दोहन हुन थालेकोमा चिन्ता ब्यक्त गर्दै गोरखा नगरलाई हरियाली र वातावरणमैत्री बनाउनु बताए ।
ुउनले वातावरण संरक्षण तथा सुधारका लागि नेपालले अवलम्बन गरेको राष्ट्रियस्तरका वन, वातावरण तथा जलवायु परिवर्तन नीतिहरूबाट निर्देशित विभिन्न कार्यक्रमहरूले वन तथा वातावरणको क्षेत्रमा उपलब्धि हासिल भएको समेत बताए ।
कार्यक्रममा नेपाल प्रहरी, ससस्त्र प्रहरी, नेपाली सेना, डिभिजन बन कार्यालय तथा उद्योग बाणिजय संघका अध्यक्ष कृष्णकुमार श्रेष्ठ एवं विभिन्न सम्बन्धित टोल संस्थाहरुको प्रमुख एंबम प्रतिनिधीहरुको सहभागिता रहेको थियो ।
