गाेरखा बजारमा आएकाे हावाहुरी
गोरखा । शुक्रबार मध्यान्न अचानक आएको हावाहुरीले पालुङटार नगरपालिकाको ३ वटा वडामा नै १५ घर र १ गोठलाई क्षती पुर्याएको छ ।
शुक्रबार ५ बजेतिर आएको हावाहुरीका कारण पालुङटार नगरपालिकाको ६, ८ र ९ वडाका १५ घर र १ गोठलाई क्षती पुर्याएको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी लिलाराज लामिछानेले जानकारी दिए ।
लामिछानेका अनुसार अन्य स्थानमा पनि क्षती पुर्याएको भएता पनि पूर्ण विवरण प्राप्त नभएको बताए । हावाहुरी संगै आएको असिना पानीले मानविय तथा पशुचौपायाको भने क्षतीको कुनै जानकारी नआएको उनले जानकारी दिए ।
प्रहरीले उपलब्ध गराएको विवरण अनुसार पालुङटार नगरपालिका–६ को पौवाटारमा बस्ने कान्छा लामा, बलबहादुर नेपाली, दिपक नेपाली, बलबहादुर परियार र नरबहादुर परियारको घरमा क्षती पुगेको छ । क्षती पुगेकाहरु सबैलाई छिमेकीले आवास र खानाको ब्यवस्था मिलाएर राखेको पनि प्रहरीले जानकारी दिएको छ ।
शुक्रबारकै हावाहुरी र असिनापानीले पालुङटार नगरपालिका–८ को मुलाबारीका ८ जनाको घरमा क्षती पुर्याएको छ । मुलाबारीका कमला नेपाली, सेतीमायाँ नेपाली, ढाका नेपाली, कृण्ण नेपाली, दिपक तामाङ, बुद्विबहादुर बराम, दिलमायाँ थापा र दिपक नेपालीको घरमा क्षती पुगेको छ ।
त्यस्तैगरी, पालुङटार नगरपालिका–९ को सानोबेशीमा २ जनाका घरमा हावाहुरीले क्षती पुर्याएको प्रहरीले जानकारी दिएको छ । प्रहरीले दिएको जानकारी अनुसार रमेश विक र कमलनारायण श्रेष्ठको घरलाई क्षती पुगेको छ ।
उता गण्डकी गाउँपालिका–४ मा रहेको ठाकुर सिंखडाको घरलाई पनि क्षती पुगेको छ । घर माथी रहेको काप्राको रुखले घरलाई च्याप्दा घर र घर संगै रहेको शौचालयलाई क्षती पुर्याएको भएता पनि मानविय क्षती भने हुन नपाएको सूचना अधिकारी लामिछानेले जानकारी दिए ।
हिजोको हावाहुरी र असिनापानीले जिल्ला भित्रको विभिन्न स्थानमा किसानहरुले लगाएको अन्नबालीमा क्षती पुर्याएको छ । शुक्रबारको हावाहुरी र असिनापानीले किसानहरुको करोडौ रुपैयाँ अन्नबाली नष्ट भएको अनुमान कृषि ज्ञान केन्द्रले जनाएको छ ।
पूर्ण विवरण आउन भने साता दिन जती लाग्ने कार्यालयले जानकारी दिएको छ ।
