गोरखा । गण्डकी प्रदेशका मुख्यमन्त्री सुरेन्द्रराज पाण्डेले आफु पदमा रहदासम्म सिर निहुरीने काम नगर्ने प्रतिबद्वता ब्यत्त गरेका छन् । नेपाली काँग्रेस गोरखाले आज आयोजना गरेको बधाई तथा शुभकामना कार्यक्रममा बोल्दै मुख्यमन्त्री पाण्डे उक्त कुराको प्रतिबद्वता ब्यक्त गरेका हुन् ।
मुख्यमन्त्री बने पछि पहिलो पटक गृह जिल्ला आएका पाण्डेले पार्टी कार्यालयमा भएको कार्यक्रममा पार्टी भित्रका केही मानिसहरु लोभ र लालचमा फसेर बिग्रीए होलान तर आफु मुख्यमन्त्रीको पदमा रहदासम्म पार्टी, कार्यकता र जिल्ला बासीले सिर निहुरीने गरी कुनै पनि काम नगर्ने बताएका हुन् ।
मुख्यमन्त्री पाण्डेलाई स्वागत तथा बधाईदिन जिल्लाका विभिन्न क्षेत्रबाट आएका नेपाली काँग्रेसका कार्यकर्ता तथा जनप्रतिनिधीहरुलाई निर्देशन दिदै जनचाहना अनुसार काम गर्न भनेको छन् । उनले यस्तो गरेको खण्डमा मात्रै पार्टीको वाहवाही हुने बताए ।
बैशाख १४ गते मुख्यमन्त्रीमा नियुत्त भएका पाण्डेले १५ गते पदभार ग्रहण गरेका थिए । पदभार ग्रहण गरेको १९औं दिनमा गृह जिल्ला आएका उनले प्रदेश संग स्रोत र साधनको कमी भएको भन्दै प्रचार मुखी भन्दा विकासमुखी कार्यक्रम ल्याउन लागेको बताए ।
गाँजा र रक्सीलाई ब्राण्ङि गर्ने योजना
गृह जिल्ला आएको मौकामा जिल्लामा क्रियाशिल सञ्चारकर्मीहरु संग कुरा गर्दै प्रदेश भित्रका धेरै जसो युवाशक्ति बिदेश पलायन भएको भन्दै कानूनले दिएको खण्डमा गाँजा र स्थानिय स्तरमा पाउने रक्सीलाई ब्राण्डिङ गर्ने योजना बनाएको सुनाए ।
उनले ‘गाँजा लागु पदार्थ हो वा औषधी’ भन्दै ‘औषधी हो भने नियमन निकाय बनाएर गाँजा खेती गर्न सकेको खण्डमा युवाहरु विदेश पलायन हुन कम हुने’ बताए । उनले संघले गाँजालाई औषधी हो भनेर कानून ल्याएको खण्डमा ब्यवसायीक खेती तर्फ युवाहरु लाग्ने र त्यसबाट परिवार, समाज, जिल्ला तथा प्रदेश नै आत्मनिर्भर हुने तर्क राखे ।
तर यो कुरा बहसको बिषय भएको भन्दै मुख्यमन्त्री पाण्डेले बहसले सार्थक रुप लिएको दिन र कानून आए पछि भने स्थानिय स्तरमा उत्पादन हुने रक्सीलाई गुणस्तर मापन गरी लेबलिङ गरेर बिक्री गर्ने योजनामा रहेको बताए ।
सञ्चारकर्मी संग कुरा गर्दै मुख्यमन्त्री पाण्डेले यो २ वटा मात्र काम गर्न सकेको खण्डमा विदेश पलायन हुने युवा शक्तिलाई यही रोक्न सकिने र दुवै बस्तुबाट प्रदेशले मनग्य आम्दानी गरेर पुर्वाधार बिकासका कामहरु गर्न सकिने कुरा बताए ।
लिफ्टीङ खानेपानी तथा सिंचाईमा बिद्युत मिनाह
मुख्यमन्त्री पाण्डेले सञ्चारकर्मीहरु कुरा गर्दै लिफ्टीङ खानेपानी तथा सिंचाईको बिद्युत महशुल निःशुल्क हुने बताए । आफु मुख्यमन्त्री हुदाकै दिन यो कुराको निर्णय भएको भन्दै उनले आगामी दिनमा सार्वजनिक हुने निति तथा कार्यक्रममा समावेश हुने बताए ।
ठुला जलबिद्युत आयोजना निर्माण गर्ने
मुख्यमन्त्री पाण्डेले प्रदेशको निति तथा कार्यक्रम केही साता भित्रै सार्वजनिक हुने भन्दै प्रदेशले ठुला जलबिद्युत आयोजना निर्माण गर्ने तर्फ ध्यान दिएको बताए । उनले ठुला आयोजना बनाउन सकेको खण्डमा त्यसको आम्दानीले पनि प्रदेश आत्मनिर्भर हुने भन्दै त्यस्तो बिषयमा छलफल भईरहेको जानकारी दिए ।
उनले प्रदेश एक्लैले निर्माण गर्न नसकेको खण्डमा पिपिपी मोडलमा पनि यस्ता आयोजनाहरुको निमार्ण गर्न सकिने बताए ।
सञ्चारकमी मेरो भाई र मित्र हो
मुख्यमन्त्री पाण्डेले सञ्चारकर्मी आफ्नो भाई र मित्र भएको बताउदै आफुलाई गलत काम बाट रोक्न सधै सुझाव दिन आग्रह गरे । उनले भने ‘मेरो लागि भाई जस्तो पनि हुनुहुन्छ । साथी जस्तो पनि हुनु हुन्छ’ भन्दै मुख्यमन्त्री पाण्डेले भने ‘ म पनि मान्छे हो । म बाट पनि गल्ती हुन सक्छ । मैले गल्ती गर्छ र यसको बारेमा लेख्छु भन्छु भन्नु भन्दा पनि पहिल्यै तपाई गलत बाटोमा जादै हुनुहुन्छ भन्ने हामीलाई लागेको छ । सही बाटो यो हुन्छ भनेर सल्लाह र सुझावको म सधै अपेक्षा गर्दछु ।’
‘म बिग्रीहाल्नु भन्दा अगाडी मलाई बिग्रन बाट बचाईदिन अनुरोध छ’ मुख्यमन्त्री पाण्डेले भने ।
नेपाली काँग्रेस गोरखाले आयोजना गरेको बधाई तथा शुभकामना कार्यक्रममा सभापती नन्दप्रसाद न्यौपानेलाई नेपाली काँग्रेस गण्डकी प्रदेश संसदीय दलको सचेत भएकोमा सम्मान गरिएको थियो ।
