साँकेतिक तस्बिर
गोरखा । जिल्ला समन्वय समितिका १ जना कर्मचारी आज मृक्त फेला परेकाे छ । समितिले करारमा राखेको कार्यालय सहयोगी आइतलाल गुरुङ समन्वय समितिको भवनमा मृक्त फेला परेको हो ।
समन्वय समितिको एक खरिदारको खाना बनाउदै आएका गुरुङ बुधबार बिहान १० बजेतिर मृक्त फेला परेको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी लिलाराज लामिछानेले जानकारी दिए ।
खाना खाने बेला भए पछि खरिदारले खाना पाक्यो त भन्दै गुरुङ सुत्ने कोठामा पुग्दा भित्रबाट चुकुल लगाएको र धेरै पटक बोलाउदा पनि नबोले पछि प्रहरीलाई खबर गरिएको समन्वय समितिका प्रमुख मोहनबहादुर थापा मगरले जानकारी दिए ।
प्रहरीले कोठा खाेली हेर्दा उनी ओछ्यानमा मृक्त अवस्थमा फेला परेको प्रनाउ लामिछानले बताए । त्यस लगत्तै उनको छोरीलाई खबर गरिएको र अहिले छोरीको रोहबरमा मुचुल्का तयार गर्ने काम भई रहेको पनि प्रनाउ लामिछानेले जानकारी दिए ।
शवलाई केही बेर पछि पोष्टमार्टमका लागि गोरखा अस्पताल लाने तयारी भईरहेको पनि गोरखा प्रहरीले जानकारी दिएको छ । पोष्टमार्टम पछि मात्र मृत्युको कारण जानकारी प्राप्त हुने पनि प्रहरीले जनाएको छ ।
