गोरखा । गोरखा नगरपालिकाका मेयर कृण्णबहादुर राना मगरका स्वकीय सचिवले अनावश्यक दुःख दिएको भन्दै कार्यपालिका र वडाध्यक्षहरुले आज पत्रकार सम्मेलन गरेका छन् । उनका स्वकीय सचिव अनिस अर्यालले अनावश्यक रुपमा नगरपालिका भित्रका कर्मचारीहरुलाई दुःख दिएको भन्दै कार्यपालिका पदाधिकारीहरु र वडाध्यक्षले गरे पत्रकार सम्मेलन गरेका हुन् ।
शुक्रबार सदरमुकामको मिराकल होटलमा गरेको पत्रकार सम्मेलनमा मेयरका स्वकीय सचिव अर्यालले पछिल्लो पटक शिक्षक छनौटका बिषयलाई लिएर शिक्षा शाखा प्रमुख चन्द्रबहादुर खड्कालाई गालीगलौच र अभद्र ब्यवहार गरेको भन्दै उनलाई सेवाबाट तत्कालै बर्खास्त गर्न भनेको छ ।
नगरपालिकाका उपमेयर मसलीमायाँ थोकर पुनःको नेतृत्वमा भएको पत्रकार सम्मेलनमा मेयर रानाका स्वकीय सचिव अर्यालको बिषयमा विवाद उत्कर्षमा पुुगेको भन्दै तत्कालै उनलाई हटाएर समस्या समाधानको बाटो रोज्न आग्रह गरिएको छ । उनले भनिन ‘हामीले मेयरसापको स्वकीय सचिवलाई सम्झाउन पटक पटक गरेको आग्रह गर्दा पनि नमानेको’ आरोप लगाउदै ‘सचिवलाई बर्खास्त नगर्दासम्म हामी कार्यपालिका बैठक अगाडी बढ्न नसक्ने’ बताए ।
उपमेयर पुनःले स्वकीय सचिवको लागि मेयर राना मगर सति जान तयार रहेको भन्दै केही समय अगाडी पनि नगरपालिकाको मोटरसाइकल प्रयोग गरेर सदरमुकामको लक्ष्मी बजारमा रहेको द्रब्यशाहका क्याम्पस प्रमुखलाई दुब्र्यबहार गरेको आरोप लगाए ।
पत्रकार सम्मेलनमा अबको समस्या समाधान कसरी हुन्छ त भन्ने सञ्चारकर्मीहरुको जिज्ञासामा उपमेयर पुनःले मेयर राना मगरको सचिवलाई हटाउनु नै बटम लाईन भएको बताए ।
घटना क्रम अनुसार केही दिन अगाडी गोरखा नगरपालिका–१४ देउरालीको रामशाह माविको शिक्षक छनौटमा १५ जनाले अब्जेक्टिभ प्रश्नको परिक्षा दिदा १ जनाको मात्र नाम निश्किएको बिषयलाई लिएर स्वकीय सचिव अर्यालले शिक्षा शाखामा प्रश्न उठाएका थिए । परिक्षा भएकै दिनमा नाम निकालेर नियुक्ती दिएर पठाएको बिषयमा अर्यालले केही कागजपत्र च्यात्ने प्रयास गरेका थिए ।
यता सोही बिषयलाई लिएर गोरखा समाचार डटकमसंग कुरा गदै केही कमीकमजोरी भयो होला तर त्यही बिषयलाई लिएर स्वकीय सचिवलाई निकाल्ने भन्ने कुरा न्याय संगत नभएको गोरखा नगरपालिकाका मेयर कृण्णबहादुर राना मगरले बताए । ‘अनिसबाट केही गल्ती भयो होला’ भन्दै मेयर राना मगरले भने ‘त्यही बिषयलाई लिएर निकाल्ने भन्ने कुरा संभवन छैन ।’
