गोरखा । गोरखा सदरमुकामको एक बिद्यालयमा अध्ययरत बिद्यार्थीहरुलाई समाजसेवी भगवानदास मल्लद्वारा कपडा वितरण गरिएको छ । गोरखा नगरपालिका–९ को लक्ष्मीबजारमा रहेको महालक्ष्मी माविमा अध्ययनरत २५ जना बिद्यार्थीहरुलाई कपडा वितरण गरेको प्रधानाध्यापक चुढामण्मी काप्रीले जानकारी दिए ।
मल्लले मानव सेवा आश्रममा आश्रीत २५ जना बिद्यार्थीहरुको लागि निशुल्क कपडा उपलब्ध गराएको हो । उनीहरुलाई बिद्यालयले अग्रेजी माध्यामका करिब १२ हजार मुल्य बरावरमा किताव समेत निशुल्क उपलब्ध गराएको प्रअ काप्रीले बताए । ‘सरकारी स्कुल भएता पनि अग्रेजी माध्यामबाट अध्यापन गराउने गरेको’ भन्दै प्रअ काप्रीले भने ‘अग्रेजी माध्यामका अन्य कितावहरु भने स्कुलले नै निशुल्क रुपमा उपलब्ध गराएको छ ।’
अग्रेजी माध्यामबाट अध्यापन गराउने भएका कारण नेपाल सरकारबाट प्राप्त किताव बाहेकका अन्य किताव बिद्यालय आफैले खर्च गर्ने गरी उनीहरुलाई उपलब्ध गराएको बिद्यालय प्रशासनले जानकारी दिएको छ । यस अघि निजी बिद्यालयमा अध्यापन गराउदै आएको उनीहरुलाई पहिलो पटक सरकारी स्कुलमा भर्ना गरिएको हो ।
भर्ना भएको बिद्यार्थी कक्षा १ देखी कक्षा ८ सम्मका भएको पनि बिद्यालयले जानकारी दिएको छ । उनीहरुलाई भर्ना गरे पछि स्कुल ड्रेसको समस्या भए पछि सहयोगीको खोजी गरी बुधबार मात्रै कपडा उपलब्ध गराएइको थियो ।
स्कृलले प्रति बिद्यार्थी सवारी शुल्कबापत १ हजार लिने गरेको भएता पनि एकमुष्ठ १५ हजार प्रति महिना तिर्ने गरी बिद्यार्थीहरुलाई सहुलियत उपलब्ध गराएको पनि प्रअ काप्रीले जानकारी दिए ।
मानव सेवा आश्रममा आश्रीत बिद्यार्थीहरुको लागि कपडा उपलब्ध गराएर सहयोग गर्न पाएकोमा समाजसेवी मल्लले खुशी ब्यक्त गरे । मल्ल गाेरखा मनकामना स्थायी घर भई हाल तनहुँकाे आँबुखैरेनीमा बस्दै आएका छन् ।
