गोरखा । गोरखामा बैशाख २२ गतेदेखी सवालाख रोट महोत्सव हुने भएको छ । २० औं सवालाख रोट महोत्सव जेष्ठ १ गतेसम्म चल्ने छ ।
सिद्धाश्रम शक्ति केन्द्रले आयोजना गरेको रोट महोत्सव हरेक बर्ष बैशाख पुर्णिमाबाट रोट सञ्चालन हुने गर्दछ । धार्मिक महोत्सव रहेकोले उक्त कार्यक्रममा ३० हजारसम्म भक्तजनले रोट महोत्सवमा सहभागी जनाउने आयोजकले अनुमानमा गरेको छ ।
महोत्सव अवधीभर २५ लाख खर्च लाग्ने र त्यो खर्च हरेक वर्ष सिद्वाश्रम शक्ति केन्द्र, त्यसका साधक, साधिक, भक्तजन र स्थानीय समाजसेवी, संघ संस्थाबाट स्वेच्छिक रुपमा जुटाउने गरिएको छ ।
११ दिन सम्म चल्ने महोत्सवका लागि गोरखा आउने श्रद्धालु भक्तजनको आवास र खानाको प्रवन्ध आयोजकले निशुल्क रुपमा ब्यवस्थापन गर्दै आएको छ ।
महोत्सवको पहिलो दिन बैशाख २२ गते झाँकी र बाजागाजा सहित गोरखा सदरमुकामबाट गोरखनाथ मन्दिर सम्म रथयात्रा गरिनेछ । रथयात्रा सकिए लगत्तै गोरखनाथको झण्डोतोलन गरिने छ ।
महोत्सवमा नेपालको विभिन्न जिल्ला तथा विदेशबाट पनि भक्तजनहरु आउने गर्छन् ।