गोरखा । प्रधानमन्त्री पुष्पकमल दाहालले जिल्लाको बिकासलाई गतिदिनु पर्ने आवश्यता रहेको बताए । जिल्लामा रहेका सबै सरकारी कार्यालयका प्रमुखहरुलाई निर्देशन दिदै प्रधानमन्त्री दाहालले राजनैतिक दलहरु बिच राम्रै समन्वय देखिएको भन्दै अब गोरखाको बिकासलाई गति दिन आवश्यक रहेको बताए ।
सदरमुकाममा रहेको गोरखा अस्पतालको स्वर्ण जयन्तीको उदघाट्न गर्न गोरखा आएका प्रधानमन्त्री दाहालले सुरक्षा निकाय र सरकारी कार्यालयका प्रमुखहरुलाई निर्देशन दिदै निर्वाचनको बेला गरिएका बाचा अनुसारका काम गनुपर्ने आवश्यता रहेको भन्दै जनताको चासो सडक निर्माण भएको बताए ।
उनले गोरखा संग जोडिएको राष्ट्रिय महत्वको बुढीगण्डकी जलबिद्युत आयोजना, गोरखाकाली रबर उद्योग तथा पालुङटार एयरपोर्टको स्तरोन्नती निर्वाचकै बेला कबोल गरिएको भन्दै त्यसका लागि दिर्घकालीन योजनाहरु बन्दै गरेकोले केही समय भित्रै नतिजा निस्कने गरी काम थाल्नीने बताए ।
प्रमुख जिल्ला अधिकारी दिनेशसागर भूषालले जिल्लाको बस्तु स्थितीको बारेमा प्रधानमन्त्री दाहाललाई जानकारी गराएका थिए । त्यस लगत्तै प्रधानमन्त्री दाहालले सर्व साधारण जनलाई दिने सेवा प्रभावकारी बनाउन समेत सबै कार्यालय प्रमुखहरुलाई निर्देशन दिएका थिए ।
उनले गोरखा जिल्ला प्रधानमन्त्रीको पनि जिल्ला भएको भन्दै राम्रो काम गरेर देखाउन आग्रह गरे ।
