गोरखा । लायन्स क्लब अफ गोरखा कालिकाको अध्यक्षमा कमला श्रेष्ठ सर्व सम्मत चयन भएका छन् । अग्रेजी बर्ष सन २०२३–२०२४ को लागि अध्यक्षमा श्रेष्ठ सर्व सम्मत चयन भएको हो ।
क्लबको सोमबार गोरखा सदरमुकाममा भएको सातौं स्थापना दिवश तथा निर्वाचन कार्यक्रममा १५ सदस्यीय समिति निर्माण गरेको छ । निर्वतमान अध्यक्ष कल्पना श्रेष्ठ, प्रथम उपाध्यक्षमा शारदा खत्री, द्वितिय उपाध्यक्ष सरिता मास्के र तृतिय उपाध्यक्षमा प्रेमिता श्रेष्ठ सर्व सम्मत भएका छन् ।
समितिको सचिवमा सन्तोषी जोशी, क्लब एडमिस्टेटरमा लक्ष्मी श्रेष्ठ र कोषाध्यक्षमा पूर्णकुमारी शाही (सबिता) चयन भएका छन् । भेलाले एलसिआईएफ कोडिनेटरमा सजना श्रेष्ठ, क्लब सर्भिस चियर पर्सनमा मिमि श्रेष्ठ, क्लब मार्केटिङमा मलिना मास्के, डाइरेक्टरहरुमा दुर्गा केसी, सुनिता अर्याल र श्रृजना पाण्डे तथा सदस्यहरुमा अन्जु माकाजु, सानु थापा, अस्मिता कट्टेल र बिजु न्यौपाने चयन भएको क्लबले जानकारी दिएको छ ।
