गोरखा । गोरखाको लिगलिगमा तेस्रो लिगलिगे साइकल दौड प्रतियोगिता सुरु भएको छ । प्रतियोगिता बिहान ८ः१० बजे सुरु भएको हो ।
दौड लिगलिग भिलेज स्पोर्टसले आयोजना गरेको हो । आजको दौडमा २ जना विदेशी र ३७ जना नेपाली सहित ३९ जना सहभागी भएको लिगलिग भिलेज स्पोर्टस क्लबका सचिव प्रमिला राना मगर गुरुङले बताईन ।
साइकल दौड लिगलिगकोटबाट हर्मी भञ्ज्याङ–मकुन डाडाँ–आँपपिपल अस्पताल–बिरबारी–ओख्ले पुल हुदै लमजुङको राईनास–गरमबेशी हुदै पुनः गोरखाको चेपेघाट–हवाई ग्राउण्ड–तालपोखरी–ठाटीपोखरी–लुईटेल–बडडाडाँ–मैबल–बिजुली डाडाँहुदै पुनः लिगलिगकोट पुगेपछि समापन हुने छ ।
५३.४ किलो मिटर दुरी रहेको प्रतियोगिता ३ फरक भागमा विभाजन गरेर आयोजना गरिएको छ । पुरुष कुलिन, पुरुष मास्टर र स्थानिय गरी ३ विधामा प्रतियोगिता आयोजना गरिएको हो ।
कोषाध्यक्ष बिजय पाण्डेका अनुसार ंपुरुष कुलिन तर्फ समूहका सहभागीहरु तर्फ प्रथमदेखी पाँचौ स्थानसम्मलाई ७५, ५०, ३०, १५ र ७ हजार ५०० रुपैयाँ नगद पुरस्कार पाउने छन् ।
त्यस्तैगरी, पुरुष मास्टर समूहमा प्रर्थम हुनेलाई १५ हजार, दोस्रोलाई १० हजार र तेस्रो हुनेलाई ५ हजार नगद प्रदान गरिने छ । भने स्थानिय तर्फ पालुङटार, गोरखा नगरपालिका र सिरानचोक गाउँपालिका तथा लमजुङको राईनास र भानु नगरपालिका सहभागीहरु भने क्रमश प्रर्थम, द्वितिय र तृतिय हुनेलाई ।५, ३ र २ हजार नगद प्रदान गरिने भएको छ ।
