गोरखा । गोरखा सदरमुकामा आज दिउसो भएको मिनि ट्रक दुर्घटनामा परि १ जना पुरुषको मृत्यु भएको छ । मृत्यु हुने पुरुष को हो भन्ने खुल्न नसकेको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी लिलाराज लामिछानेले बताए ।
गोरखा बसपार्कबाट हरमटारी तर्फ आउदै गरेको प्रदेश ३–०१–००३ क ६१७० नम्बरको मिनि ट्रक दिउसो १ः१५ बजे गोरखा नगरपालिका–६ को बिसौनी मोडमा दुर्घटनामा परेको थियो ।
ओरोलो तर्फ आएको मिनि ट्रकले उकालो तर्फ गएको मोटर साइकललाई समेत ठक्कर दिएर घिसार्दै लगेको प्रत्यक्षदर्शीले बताए ।
सडकबाट ५० मिटर तल जिल्ला ट्राफिक प्रहरी कार्यालयमा पुगेको ट्रकले सडक किनारामा चनाचटपट खाएका र पैदल हिडी रहेकाहरुलाई समेत ठक्कर दिदा ६ जना पुरुष र २ जना महिला गंभिर घाईते भएका थिए ।
घाईते सबेको गोरखा अस्पतालमा उपचार भई रहेको प्रहरीले जनाएको छ । गोरखा अस्पतालका सूचना अधिकारी कृण्ण ढकालका अनुसार उपचार भईरहेका मध्ये पनि ३ जनाको अवस्था गंभिर रहेको बताए ।
