गोरखा । नामजुङको बुंकोटघाट भईरहेको ‘श्रीमद्भागवत सप्ताह ज्ञान महायज्ञ’ आज छैठौ दिनमा प्रवेश गरेको छ । महायज्ञको पाँचौ दिनसम्म ७० लाख रुपैयाँ उठेको मुल समारोह समितिका उप संयोजक शिव बन्जाराले जानकारी दिए ।
शहिदलखन गाउँपालिका–९ नामजुङको बुंकोटघाटमा फाल्गुण २३ गतेदेखी सुरु भएको भीमविरेश्वर आध्यात्मिक महोत्सव तथा श्रीमद्भागवत सप्ताह ज्ञान महायज्ञ फाल्गुण ३० गतेसम्म सञ्चालन आउने छ ।
सह संयोजक बन्जाराका अनुसार पहिलो दिनमा १५ लाख, दोस्रो दिनमा ७ लाख, तेस्रो दिनमा १२ लाख, चौथो दिनमा २५ लाख र पाँचौ दिनमा ११ लाख रुपैयाँ उठेको हो ।
१०३ बर्षिया भद्रमाया अधिकारले यज्ञमा तुलादान गरेर फर्कदै
यज्ञबाट २ करोड रुपैयाँ उठाउने लक्ष्य राखिएको छ । ३० गते समापन हुने यज्ञ अब २ दिन चल्ने छ । उक्त क्षेत्रमा विक्रम सम्बत १९८८ सालामा भिमसेन थापाले महादेवको मन्दिर, सत्तल,कान्जिघर, कारागार तथा माझी र पाहुना घरहरु निर्माण गरेका थिए । बुढी गण्डकी जलाशय निर्माण गर्दा उक्त स्थान ढुवानमा पर्ने भए पछि स्थानियको सक्रियतामा उपयुत्त स्थानमा सार्नका सो स्थानमा महायज्ञ लगाईएको मुल आयोजक समितिका संयोजक सुरेन्द्रबहादुर थापाले बताए ।
ऐतिहासिक उक्त मन्दिर ०३६ साल पछि भिमसेन थापाका सन्ततीहरुमा बिचन आए संगै लथालिंग र भग्नावशेष अवस्थामा रहेको छ । मन्दिरमा भएका सुनका गजुर, नागपासा तथा बहुमुल्य बस्तु अहिले पनि ब्यत्तिहरुले आफ्नो निजी घरमा राख्दै आएका छन् ।
१०६ रोपनी क्षेत्रफलमा फैलिएको संरचनालाई ढुवानले प्रभावित पार्ने भए पछि ढुवानले प्रभावित नहुने स्थानको पहिचान गरी जग्गा खरिख गर्न महायज्ञको आयोजना गरिएको हो ।
महायज्ञमा गोरखा जिल्लाको गोरखा नगरपालिका, शहिद लखन गाउँपालिका, भिमसेन थापा गाउँपालिकाका साथै धादिङको ज्वालामुखी, खरी र त्रिपुरासुन्दरी गाउँपालिकाका सर्व साधारणहरुले कथा श्रवण गरिहको मुल समारोह समितिका महासचिव नारायण लामिछानले बताए । लामिछानेका अनुसार पाँचौ दिनसम्म २५ हजार श्रद्वालु यज्ञमा सहभागी भईसकका छन् ।
समितिका अनुसार हालसम्म ५ जनाले तुला दान गरिसकेका छन् भने २ जनाले २ लाख ११ हजार १११ रुपैयाँ यज्ञमा दान गरेका छन् । यज्ञमा पाँचौ दिनसम्म सबैभन्दा बढी रकम दिनेमा शहिद लखन गाउँपालिका–९ का ईश्वरी लामिछाने र धिरेन्द्र थापा रहेको मुल समारोह समितिका कोषाध्यक्ष लिला श्रेष्ठले बताईन । कोषाध्यक्ष श्रेष्ठका अनुसार यज्ञमा उठेको रकम दैनिक रुपमा बैंक जम्मा गरिएको छ ।
समितिले यज्ञमा सहभागीहुनेहरुलाई दैनिक ३ वटा रुपमा निशुल्क बस सञ्चालन गरेको छ । प्राप्त जानकारी अनुसार मैलुम, बतासे र फुजेलको रुटमा निशुल्क बस सञ्चालन गरेको हो ।
बुंकोट घाटमा रहेको सत्तल नेपालकै ठुलो सत्तल (चत्वरे यात्री, बटुवा आदिलाई बस्नका निम्ति सरकार वा धर्मात्मा ब्यक्तिहरुद्वारा ठाउँठाउँमा–विशेषतःदेवस्थलहरुमा–निर्मित ठुलो कोठो, तलो आदि भएको घर वा पाटी; धर्मशाला) मानिदै आएको छ ।
