गोरखा । नेपाल शिक्षक संघ गोरखाको अध्यक्षमा लक्ष्मण आचार्य निर्विरोध निर्वाचित भएका छन् । शनिबार सदरमुकाममा भएको नवौं अधिवेशनले अध्यक्षमा आचार्यलाई सर्वसम्मत रुपमा चयन गरेको हो ।
अधिवेशनले उपाध्यक्षमा शर्मिला ढकाल र जनीबहादुर घलेलाई चयन गरेको छ । त्यस्तै गरी, सचिवमा रुद्रप्रसाद उप्रेती चयन भएका छन् ।
सचिव अर्थमा अर्जुन बाबु श्रेष्ठ, सहसचिवमा निरबहादुर खड्का र शान्ता सापकोटा खनाल, सहसचिव अर्थमा रमादेवी पोखरेल, सहसचिव समावेशीमा हरिनारायण श्रेष्ठ र यमबहादुर गुरुङ चयन भएका छन् ।
महिला सदस्यहरुमा रत्न ढकाल, कल्पना पोखरेल, तीलकुमारी पोखरेल, सदस्य खुल्लातर्फ सोमप्रकाश पोखरेल, कृष्णराज कार्की, तोयनाथ धिताल, भीमसेनकाजी बानियाँ चयन भएको निर्वाचन समितिका सदस्य सिताराम तिवारीले जानकारी दिए ।
प्रदेश अधिवेशन प्रतिनिधिमा महिलाबाट रीता ढकाल अधिकारी, सगुना ढकाल र खुल्लाबाट उमाकान्त ढकाल, रामचन्द्र सापकोटा, भुवनबहादुर अधिकारी, रामेश्वर पोखरेल, लक्ष्मीकान्त खनाल चयन भएका छन् ।
संघीय महाधिवेशन प्रतिनिधिको रुपमा महिलाबाट साधना त्रिपाठी, पार्वती अम्गाई र खुल्लाबाट केशरसिंह बस्नेत, शिवबहादुर थापा, मोहनबाबु सापकोटा र श्यामप्रसाद लामिछाने चयन भएको निर्वाचन समितिले जनाएको छ ।
संघका अध्यक्ष शिव थापाको अध्यक्षतामा भएको अधिवेशनमा नेपाल शिक्षक संघका केन्द्रीय वरिष्ठ उपाध्यक्ष एमबी भुषाल, गण्डकी प्रदेशसभाका सांसद नन्दप्रसाद न्यौपाने, संघका गण्डकी प्रदेशका अध्यक्ष शिरोमणि लामिछाने, लमजुङ जिल्ला अध्यक्ष शिव अधिकारी, गोरखाका पूर्व अध्यक्षहरु तयराज गुरुङ, लुमनाथ लामिछाने, पूर्व केन्द्रीय सदस्यहरु सिताराम भट्ट र प्रेमबहादुर थापा, नेपाली कांग्रेस गण्डकी प्रदेश सदस्य तथा गोरखा नगरपालिकाका निवर्तमान उपप्रमुख विनाकुमारी श्रेष्ठ, भीमसेनकाजी बानियाँ, शान्ता सापकोटा लगायतले शुभकामना मन्तव्य व्यक्त गरेका थिए ।
