गोरखा । गोरखा सदरमुकाममा आज आयोजित ढिलो गरि मोटरसाइकल चलाउने प्रतियोगितामा आशिष कुमार भट्ट विजयी भएका छन् ।
लियो क्लव अफ गोरखाको ३५ औँ स्थापना दिवसको अवसरमा जिल्ला स्तरिय खुल्ला सुस्त गतिमा बाईक चलाउने प्रतियोगिता भट्ट प्रथम भएका हुन् ।
‘तिब्र गति जिबनको क्षति’ नारा दिएको प्रतियोगितामा ३० जनाले सहभागीता जनाएको क्लवका अध्यक्ष बालकृष्ण परियारले जानकारी दिए ।
प्रतियोगीतामा जितबहादुर थापा द्वितीय र किशोर डिस्वाल तृतीय भएको क्लबले जानकारी दिएको छ ।
प्रतियोगीतामा प्रथम हुनेलाई ट्रफि, फुल हेलमेट र मेडल, द्वितीय हुनेलाई एउटा फुल हेलमेट र मेडल, र तृतीय हुनेलाई एउटा हाप हेलमेट, बाईक कभर, मेडलका साथै सबैजनालाई प्रमाणपत्र पनि प्रदान गरिएको थियो ।
अध्यक्ष परियारको अध्यक्षतामा भएको कार्यक्रममा लियो एड्भाईजर लायन श्यामबाबु श्रेष्ठ, अयोध्या जोशि, यम बसेल तथा लियो पदाधिकारी र जिल्ला ट्राफिक कार्यालय गोरखाका प्रमुख बेदनाथ भण्डारी लगायतको सहभागिता रहेको थियो ।
