गोरखा । राजधानीमा प्रहरीले चिकित्सक कुटेको बिरोधमा गोरखा अस्पतालले आज १ दिनको लागि अनिश्चितकालका लागि आकस्मिक सेवा बाहेकका अन्य सेवाहरु बन्द गरेको छ ।
राजधानीको ट्रमा सेन्टरमा कार्यरत चिकित्सक जनिथलाल सिंहलाई प्रहरीेले कुटपिट गरेको भन्दै नेपाल चिकित्सक संघ आइतबार देशैभरका स्वास्थ्य संस्थामा आकस्मिक बाहेकका सेवाहरु बन्द गर्ने निर्णय गरे पछि गोरखा अस्पतालले पनि आज १ दिनको लागि आकस्मिक सेवा बाहेकका अन्य सेवाहरु बन्द गराएको हो ।
सिंहलाई राष्ट्रपति विद्यादेवी भण्डारीको सवारी भएको अवस्थामा हिडेको भन्दै नेपाल प्रहरीका जवानले अभद्र ब्यवहार गर्नुका साथै कुटपिट गरेका थिए । सिंह चिकित्सक संघका आजिवन सदस्य हुनुका साथै राष्ट्रिय ट्रमा सेन्टरमा बरिष्ट अर्थोपेडिक सर्जन हुन ।
ुसंघले हिजो जारी गरेको विज्ञप्तीमा ‘स्वास्थ्य सेवा जस्तो संवेदनशिल क्षेत्रमा कार्यरत चिकित्सक तथा स्वास्थ्यकर्मीलाई भिभिआईपीको सुरक्षाका नाममा प्रहरीद्वारा सांघातिक आक्रमण गरी गंभिर घाईते’ बनाएको भन्दै ‘हजारौंको संख्यामा स्वास्थ्य सेवा लिन आईरहेका बिरामीहरुलाई समेत अस्पतालमा पुग्न नदिएर अलपत्र पारी अत्यन्तै दुरावस्था सिर्जना गरिएको प्रति नेपाल चिकित्सक संघ स्तब्ध भएको छ’ भनिएको छ ।
संघले बिरोध स्वरुप आज १ दिनको लागि देशैभरिका सरकारी तथा गैरसकारी, निजी, सहकारी स्वास्थ्य संस्था, अस्पताल, निजी तथा सरकारी मेडिकल कलेज, प्रतिष्ठान लगाएतका सम्पूर्ण स्वास्थ्य संस्था तथा अस्पतालहरुमा आकस्मिक सेवा बाहेकका अन्य सम्पूर्ण सेवाहरु बन्द गर्ने निर्णय गरे लगत्तै जिल्लाको सरकारी तथा निजी स्वास्थ्य संस्थाहरु आजको लागि बन्द गरिएको छ ।
गोरखा अस्पतालमा कार्यरत सबै चिकित्सकहरुले बन्दका कारण सर्वसाधारणमा पर्न गएको असुविधा प्रति क्षमाप्रार्थी छौ समेत भनेको छ ।
