पाेखराकाे तालबाराही मन्दिर अगाडी दैनिक हुने आरती
गोरखा । गोरखा सदरमुकाममा रहेको रानी पोखरी क्षेत्रमा पनि नियमित रुपमा आरती हुने भएको छ । गोरखा नगरपालिका–६ को रानीपोखरी क्षेत्रमा रहेको पुष्कर तिर्थ अन्तरर्गतको शिव मन्दिरमा नियमित आरती हुन लागेको हो ।
पुष्कर तिर्थ आरती समितिले आज गोरखा सदरमुकाममा पत्रकार सम्मेलन गर्दै आउदो महाशिव रात्रीको दिन देखी नियमित आरती गर्न लागिएको जानकारी गराएको छ । समितिका अध्यक्ष भगवानबाव मास्केले ऐतिहासिकत तथा पुरातात्विक हिसाबले समेत महत्व पूर्ण रहेको उक्त स्थानमा फागुन ६ गते शनिबारदेखी नियमित रुपमा आरती सुरु गर्न लागिएको बताए ।
अध्यक्ष मास्केका अनुसार राजधानीमा रहेको पशुपतीमा हुने जस्तै प्रकारको आरती पुष्कर तिर्थमा हुने जानकारी दिए । आरती सुरु गरे पछि गोरखाको आन्तरिक पर्यटनमा समेत यसले प्रभाव पार्ने भन्दै समितिका अध्यक्ष मास्केले यसबाट धार्मिक पर्यटकको समेत बृद्वि हुने बताए ।
समितिले आयोजना गरेको पत्रकार सम्मेलनमा सुरुको चरणमा पशुपती मन्दिरबाट आउने पण्डितले आरती गर्ने भएता पनि यसको निरन्तरताको लागि भने सदरमुकाममा रहेको द्विवज बन्धु र गुरुकुल संग समन्वय र सहकार्य गरेर आरती सञ्चालन गरिने पत्रकार सम्मेलनमा जानकारी गराईएको थियो ।
समितिले आउदो महाशिव रात्रीदेखी गर्न लागेको आरतीको लागि तयारी समेत पुरा भएको जानकारी गराएको थियो । कार्यक्रममा अध्यक्ष मास्के, समाजसेवी तथा ज्येष्ठ नागरिक संघ गोरखाका अध्यक्ष मोहनलाल श्रेष्ठ तथा समितिका अन्य पदाधिकारीहरुको उपस्थिती रहेको थियो ।