साँकेतिक तस्बिर
गोरखा । गोरखा जिल्लाकै सर्वाधिक राशी रहेको गोरखाकाली कप फुटबल प्रतियोगिता फागुन ७ गतेबाट सुरु हुने भएको छ । कोरोना महामारीका कारण २ बर्ष रोकिएको उक्त प्रतियोगिताको सातौ संस्करण फागुन ७ गतेबाट १४ गतेसम्म सञ्चालनमा आउने भएको हो ।
हरमटारी क्लबले आयोजना गर्दै आएको जिल्लाकै सर्वाधिक राशी रहेको फुटबल प्रतियोगिता गोरखा सदरमुकामको खेलकुद मैदानमा हुने आयोजक संस्थाले जानकारी दिएको छ । सोमबार जिल्ला सदरमु
काममा पत्रकार सम्मेलन गर्दै संस्थाका महासचिव किरण ढकालले सातौं संस्करण आउदो फागुन ७ गतेबाट सुरु भएर १४ गते समापन हुने जानकारी दिए ।
पत्रकार संम्मेलनमा प्रतियोगितामा जिल्ला र बाहिरका गरी १६ समूहको सहभागिता रहने आयोजक संस्था हरमटारी क्लबले जानकारी दिएको छ । जसमा जिल्ला भित्रबाट ७ देखी ८ समूह र जिल्ला बाहिरबाट ८ देखी ९ समूहको सहभागिता रहने अनुमान गरिएको छ ।
०७० सालदेखी सुरु भएको प्रतियोगितामा यस पटक भने बिजेता हुनेले २ लाख २२ हजार २२२ रुपैयाँ पाउने छ भने उपबिजेताले १ लाख ११ हजार १११ रुपैयाँ नगद सहित ट्रफी, मेडल र प्रमाणपत्र प्राउने छन् ।
खेलको सेमिफाइनलमा पुग्ने २ समूहले भने जनही ५० हजारका दरले नगद पुरस्कार पाउने महासचिव ढकालले जानकारी दिए । खेल अबधिभर सर्वोउत्कृट, अग्रपंत्ति, मध्यपंक्ति, रक्षक, गोलरक्षक र गोलकर्तालाई जनही क्रमश. १५ हजार र ७ हजार ५०० रुपैयाँ प्राप्त गर्ने छन् । साथै प्रत्येक खेलको सर्वोउत्कृट खेलाडीलाई समेत नगद पुरस्कार दिइने आयोजकले जनाएको छ ।
खेलको अवधिभर २५ लाख ५५ हजार ८३३ रुपैयाँ खर्च हुने अनुमान गरेको आयोजकले विभिन्न क्षेत्रबाट २३ लाख ४९ हजार ८९० रुपैयाँ आम्दानी हुने र आयोजक संस्थाले २ लाख ५ हजार ८३३ रुपैयाँ लगानी गर्ने पत्रकार सम्मेलनमा जानकारी गराईएको थियो ।
नकआउट चरण खेलाइने खेलमा यस पटक भने आयोजकले महिला समूहलाई समेत समाबेश गराउने योजना गरेको छ ।
जिल्ला भित्र नयाँ खेलाडी उत्पादन गर्ने लक्ष्य सहित आयोजना गरिरहेको प्रतियोगितामा प्रवेश शुल्क भनेर प्रतिब्यक्ति २० रुपैयाँ लिने समेत जानकारी गराइएको थियो ।
