गोरखा । गोरखा नगरपालिकाको डोजर प्रकृया मिचेर माओवादी पार्टी कार्यालयमा प्रयोग गरिएको भेटिएको छ । गोरखा नगरपालिका–६ को पाटेचौरमा रहेको पार्टीको जग्गा सम्याउन डोजरको प्रयोग भएको पाईएको हो ।
पार्टी कार्यालयको परिषरमा बन्न लागेको शहिद स्मृती भवनको लागि जग्गा सम्याउने काममा डोजर प्रयोग गरिएको छ । बिपद् र बिकास निर्माणका काममा प्रयोग गर्ने गरी खरिद गरिएको उक्त डोजर पार्टी कार्यालयमा प्रयोग भएको भन्दै विभिन्न क्षेत्रबाट समेत आलोचना हुन थालेको छ ।
विहीबारदेखी प्रयोग भएको उक्त मेशिन आइतबार समेत प्रयोगमा आइतबार बिहान समेत प्रयोग आई रहेको छ । यता डोजरको जिम्मेवारी पाएको नगरपालिकाका बातावरण विज्ञ ध्रुव घिमिरेका अनुसार प्राविधिकको स्टमेट वा जिल्ला दररेट अनुसार भुक्तानी गरेर मात्र नगरपालिकाले भाडामा दिन सक्ने जानकारी दिए । तर उक्त काममा भने दुवै प्रकृया पुरा नभएको पाइएको छ ।
बिज्ञ घिमिरेका अनुसार गोरखा नगरपालिका–६ को वडा कार्यालयबाट प्राविधिक स्टमेट गरेर आएको जानकारी दिएता पनि वडा कार्यालयले भने त्यस्तो काम नभएको जानकारी दिएको छ । वडाध्यक्ष राजेन्द्रकुमार जोशी (दिलिप) ले प्रदेश स्तरबाट आएको रकमको लागि निकासा गर्न सिफारीस दिएको भएता पनि डोजर प्रयोग गर्ने बिषयमा सिफारीस नगरिएको बताए । ‘त्यहाँ बन्ने भवनको लागि प्रदेशबाट आउने पैसाको लागि सिफारीस गरेको हुँ’ वडाध्यक्ष जोशीले भने ‘डोजर निशुल्क प्रयोग गर्ने बिषयमा सिफारीस गरेको होइन ।’
यता गोरखा नगरपालिकाका प्रमुख प्रशासकिय अधिृकत ज्ञाननाथ ढकालले उक्त स्थानमा निशुल्क डोजर प्रयोग भएको बारेमा भने अनविज्ञता प्रकट गरे । संघिय राजधानी काठमाण्डौमा रहेका अधिकृत ढकालले निशुल्क डोजर प्रयोग गर्न नगरपालिकामा कसैले माग निवेदन नदिएको बताए ।