गोरखा । गोरखा सदरमुकामको एक स्कुलबाट हराएका ४ बालिकाहरु तनहुँको बरादीमा फेला परेका छन् । गोरखा नगरपालिका–९ को लक्ष्मीबजारमा रहेको महालक्ष्मी माविमा अध्ययरत उनीहरुलाई ४ः३० बजेको समयमा तनहुँको बरादीमा फेला पारिएको जिल्ला प्रहरी कार्यालय गोरखाका प्रहरी उपरिक्षक केदार खनालले जानकारी दिए ।
बिहीबार दिउसोदेखी बेपत्ता ति बालिकाहरु कक्षा ४, ५ र ६ मा अध्ययनरत भएको प्रधानाध्यापक चुढामणी काप्रीले बताए । उनका अनुसार हराएक बालिकाहरुमा कक्षा ४ मा अध्ययनरत बारपाक सुलिकोट गाउँपालिकाकी १६ बर्षिया संगिता गुरुङ, कक्षा ५ मा अध्ययनरत द्वय शहिद लखन गाउँपालिकाकी १६ बर्षिया सरिता परियार र रौतहट घर भएकी १६ बर्षिया काजल हजारा हुन् ।
त्यस्तै गरी कक्षा ६ मा अध्ययनरत लक्ष्मी बजार घर भएकी १३ बर्षिया अस्मिता कुवर पनि बरादीबाट फेला परेको गोरखा प्रहरीले पुष्टी गरेको छ । हिजैदेखी सम्र्पक बिहीन भएका ति बालिकारुको खोजीमा गोरखा प्रहरीको १ टोली हिजैदेखी खोजी कार्यमा लागेका थिए ।
ति सबै बालिकाहरुलाई सरिता परियारको आफन्तको घरमा फेला पारीएको प्रहरी उपरिक्षक खनालले जानकारी दिए । फेला परेका सबै बालिकालाई गोरखा तर्फ ल्याउने तयारी भई रहेको छ । प्रहरीको प्रारम्भीक अनुसन्धानमा हराएका मध्ये सरिताको उक्साहटमा उनीहरु सबै भागेको अनुमान गरिएको छ ।
४ जना बालिकालाई शुक्रबार पोखरा तर्फ जाने लागेको बेला फेला परेको गोरखा प्रहरीले जानकारी दिएको छ । थप कुरा भने बालिकाहरुलाई गोरखा ल्याएर सोधपुछ नगर्दासम्म जानकारी प्राप्त हुन नसक्ने प्रहरीले जनाएको छ ।