गोरखा । तेह्र किलो बजारमा रहेको चन्द्र ज्योति प्राविका बिद्यार्थीहरुलाई न्यानो कपडा र स्टेशनरी बितरण गरिएको छ । गोरखा नगरपालिका–११ मा रहेको उक्त प्राविका बिद्यार्थीहरुलाई लायन्स क्लब अफ तारानगरले बितरण गरेको हो ।
बिद्यालयमा अध्ययरत २७ जना विद्यार्थीहरुलाई न्यानो कपडा (स्विटर र टोपी) तथा शैक्षिक सामाग्रीहरु अन्तरर्गत कपी, पेनसिल, इलेजर, कटर र विद्यालयलाई २ थान डस्विन हस्तान्तरण गरिएको अध्यक्ष यम बसेलले जानकारी दिए ।
क्लवले गएको तिहरमा देउसी भैलो खेलेर जम्मा गरेको रकमबाट न्यानो कपडा, शैक्षिक सामाग्री र डस्बिन बितरण गरेको क्लवका सचिव नविन घिमिरेले जानकारी दिए । क्लबले यस भन्दा अघि गोनपा–११ मा रहेको भुराज वृक्ष प्राविमा पनि शैक्षिक सामाग्री हस्तान्तरण गरेको थियो ।
कार्यक्रममा प्रमुख अतिथि गोनपा–११ का वडा अध्यक्ष रामबहादुर खड्का, चन्द्र ज्योति प्राविका प्रधानाध्यापक प्रतिसा कुँवर, क्लव प्रथम उपाध्यक्ष सुनिल कुवँर, लियो क्लव अफ गोरखा तारानगरका प्रथम उपाध्यक्ष सन्जित आले मगर लगायतको उपस्थिती रहेको थियो ।
क्लबले स्थापनाको छोटो समयमा सामाजिक क्षेत्रमा उल्लेखनिय कामहरु गरिरहेको छ ।
