गोरखा । जिल्ला प्रहरी कार्यालय भित्र आज बिहान दुई ब्यवासयी बिच कुटाकुट भएको छ । यातायात सञ्चालनका बारेमा छलफल गर्न आएको समूहले कुटपिट गर्दा गोरखा नगरपालिका–६ कालिमाटी निवासी दिपक शाही सामान्य घाईते भएको हो ।
यातायात कार्यालयमा दर्ता भएर सञ्चालनमा आएको गोरखा–मनकामना यातायात सेवा प्रालिका ट्याक्सी ब्यवसायी र केही समय अगाडी मात्र जिल्लामा सञ्चालनमा आएको माई स्मार्ट साथी विच यातायात सञ्चालनको बिषयमा विवाद भए पछि छलफल गर्न आएका मध्ये ट्याक्सी ब्यवसायीहरुले स्मार्ट साथीका ड्राईभर शाहीलाई प्रहरी कार्यालय हाता भित्रै कुटपिट गरेका थिए ।
गोरखा–मनकामना यातायात सेवा प्रालिका अध्यक्ष सुरेन लामिछानेले प्रहरी हाताभित्र कुटपिट भएकोमा दुःख ब्यक्त गर्दै स्मार्ट साथीले जिल्लामा गरिरहेको गतिविधी भने अवैध भएको बताए । लामिछानेका अनुसार गोरखा नगरपालिकाको एउटा वडामा ढुवानी गर्नका लागि भनेर लिएको अनुमतीले चोक चोकबाट पठाओ प्रकृतीको काम गरिहेकाले ब्यवसायीहरु बिरोधमा उत्रिएका हुन् ।
उनका अनुसार यस अघि पनि विवाद हुदा पठाओ प्रकृतीको काम बन्द गर्ने सहमती भएको थियो । तर बुधबार बिहान सोही प्रकृतीले मानिस बोकेर जादै गर्दा गोरखा बसपार्कमा ट्याक्सी ब्यवसायीले शाहीलाई समाते पछि विवाद समाधानका लागि जिल्ला प्रहरी कार्यालय पुग्दा उक्त घटना भएको थियो ।
माई स्मार्ट साथीले गोरखामा केही महिना अगाडीदेखी पठाओ प्रकृतीको सेवा दिदै आएको र त्यसमा १०० जना जती मोटरसाइकल वालाहरु संलग्न रहेको अनुमान गरिएको छ ।
घटना पछि प्रहरी कुटपिटमा संलग्न भएको भन्दै २ जनालाई पक्राउ गरिसकेको र केही मानिसको खोजी भई रहेको जिल्ला प्रहरी कार्यालय गोरखाका प्रहरी निरिक्षक हिमनाथ घिमिरले जानकारी दिए ।
घटना पछि गोरखा–मनकामना यातायात सेवा प्रालिका अध्यक्ष लामिछाने सहितको टोली र माई स्मार्ट साथीका शाही समूह बिच कार्यालय भित्रै छफलफ भई रहेको छ ।
भिडियाे हेर्न लिंक क्लिक गर्नु हाेला
https://fb.watch/hHBE8DJilp/
