गोरखा । याही पौष २७ गतेबाट गोरखा बजारको ठुलो आँगन क्षेत्रमा ‘राष्ट्रनिर्माता सलामी’ को थालनी हुने भएको छ । गोरखा दरबार संग्राहलय परिषरमा रहेको ऐतिहासिक ठूलो आँगनमा राष्ट्रिय एकता दिवसको पारेर झण्डोत्तोलन तथा बिगुलद्धारा बिजय ध्वनी सहित शराष्ट्रनिर्माता सलामी’ अर्पणको थालनी गरिने भएको हो ।
मंगलबार पत्रकार सम्मेलन गर्दै नेपाल एकिकरणका अभियान्ता पृथ्वीनारायण शाहको शालिक, नेपालको राष्ट्रिय झण्डा र नेपालको नक्सा सहितको मनोग्राम राखेर ‘राष्ट्रनिर्माता् सलामी’ अर्पण कार्यक्रम सुरु गरिन लागेको गोरखा नगरपालिका मेयर कृष्णबहादुर रानामगरले जानकारी दिए ।
संग्राहलय परिषरमा आयोजित पत्रकार सम्मेलनमा नगरप्रमुख रानामगरले यहीँ पौष २७ गते राष्ट्रिय एकता दिवसको अबसरमा बिजय ध्वनी सहित ‘राष्ट्रनिर्माता सलामी’ अर्पणको थालनी गरिन लागेको बताए ।
कार्यक्रममा बोल्दै नगर प्रमुख रानामगरले समग्र गोरखाको पर्यटन प्रबद्र्धनका लागि ठूलो आँगनमा दैनिक बिहानको सूर्योदय र बेलुकीको सूर्योअस्तको समयमा पृथ्वीनारायण शाह कालिन नेपाली सेनाको पेशाकमा सेनाले परेड खेल्ने र सलामी अर्पण गर्ने जानकारी दिए ।
‘राष्ट्रनिर्माता सलामी’ नेपालको गोरखामा मात्र हुने भएका कारण देशैभरबाट हेर्नका लागि समेत पर्यटकहरु गोरखा आउने वातावरणको बन्नेमा आफु विश्वस्त रहेको भन्दै नगर प्रमुख रानामगरले यसबाट गोरखाको इतिहासको जर्गेना मात्र नभएर पर्यटनको प्रवद्र्वन समेत हुने जानकारी दिए ।
‘
नेपाल एकिकरणको इतिहासमा गोरखाको छुट्टै पहिचान रहेको भन्दै नगरप्रमुख रानामगरले इतिहासलाई जोगाउदै त्यसको प्रचार–प्रसार गरेर जिल्लाले फाइदा लिनसक्नु पर्ने धारणा ब्यत्त गरे ।
पत्रकार सम्मेलनमा उपस्थित रिपुमर्दन गणका प्रमुख हेमराज विष्टले पुस २७ गते राष्ट्रिय एकता दिवसको दिन देशभर हरेक बर्ष राष्ट्रनिर्माता सलामी दिइन्छ, गोरखा झन ऐतिहासिक जिल्ला भएकाले नेपाल एकीकरणको उदगमस्थलमा दैनिक रुपमा सलामी दिँदा झन यसको छुट्टै महत्व हुने बताए ।
शालिकको अनावरण लागि भने नेपाली सेनाका प्रधान सेनापति महारथी प्रभुराज शर्मा आउने भएका छन् । गोरखा नगरपालिका ६ को ठुलो आँगनको बिच भागमा बनेको उक्त संरचनाका लागि गोरखा नगरपालिकाले आर्थिक सहयोग उपलब्ध गराएको हो ।