गोरखा । गोरखाको बुंकोटघाँटमा साता ब्यापी ‘श्रीमद्भागवत सप्ताह ज्ञान महायज्ञ’ हुने भएको छ । नामजुङ सेवा समाजले आयोजना गर्ने उक्त महायज्ञ आउदो फागुन २३ गतेदेखी ३० गतेसम्म सञ्चालनमा आउने समाजका अध्यक्ष शिव बञ्जाराले जानकारी दिए ।
समितिले आज गोरखा बजारमा पत्रकार सम्मेलन गर्दै उक्त क्षेत्रमा रहेको भिमविरेश्वर महादेव मन्दिरको संरक्षण, शिक्षा र स्वास्थ्य क्षेत्रमा सहयोग गर्ने गरी साता ब्यापी श्रीमद्भागवत सप्ताह ज्ञान महायज्ञको आयोजना गरीएको मुल समरोह समितिका संयोजक सुरेन्द्र थापाले जानकारी दिए ।
मन्दिरको सत्तल भित्र महाज्ञानको आयोजना गरिएको र कार्यक्रममा पडिण्त दिनबन्धु पोखरेल मुख्य बाचकको रुपमा रहने पनि पत्रकार सम्मेलनमा जानकारी गराईएको थियो ।
सामाजिक क्षेत्रमा काम गर्दै आएको समाजले यज्ञबाट हुने आम्दानी पनि सामाजिक क्षेत्रमा नै खर्च गरिने जानकारी दिए । अध्यक्ष बञ्जाराका अनुसार सो यज्ञबाट आएको आम्दानी भिमविरेश्वर मन्दिर संरक्षणका लागि जग्गा खरिद गर्ने मुख्य लक्ष्य राखिएको छ ।
आम्दानीको केही हिस्सा नामजुङमा रहेको जनशक्ति माविलाई शिक्षा क्षेत्रमा खर्चने गरी प्रदान गरिने र केही हिस्सा सोही क्षेत्रमा लगानि गरिने योजना रहेको नामजुङ सेवा समाजका उपाध्यक्ष एवं गायक दिनेश थापाले जानकारी दिए ।
नेपालकै गेम चेन्जरको रुपमा परिचित बुढी गण्डकी आयोजना सम्पन्न हुदा उक्त मन्दिर पुरै ढुब्ने भएको हुदा मन्दिरलाई उपयुत्त स्थलमा स्थानान्तरणका लागि जग्गा गरिद गर्ने योजना रहेको आयोजक समितिका संयोजक तथा भिमविरेश्वर महादेश गुठी ब्यवस्थापन समितिका अध्यक्ष थापाले जानकारी दिए ।
भिमविरेश्वर आध्यात्मिक महोसत्व २०७९ नाम दिएको ‘श्रीमद्भागवत सप्ताह ज्ञान महायज्ञ’ का लागि १ हजार १ जनाको मुल आयोजक समिति रहने छ ।
पत्रकार सम्मेलनमा उपस्थित पंण्डित दिनबन्धु पोखरेलका अनुसार ०४२ सालमा सोही स्थानमा आफ्ना स्व.पिता नारायण पाखेरेलले महायज्ञ लगाएको र सो क्षेत्रको सामाजिक काममा लागि आफुले पुनः यज्ञ लगाउन सक्रिय भुमिका लेखेको जानकारी दिए । पंण्डित दिनबन्धुले अहिलेसम्म ६८ जिल्लामा श्रीमद्भागवत सप्ताह ज्ञान महायज्ञ सञ्चालन गरिसकेका छन् ।
उक्त ज्ञन महायज्ञ समापन गर्दा सम्म २५ हजार भक्तजनको सहमागिता रहने र श्रद्वालु भक्तजनबाट २ करोड रुपैयाँ उठने अनुमान आयोजक समितिले गरेको छ ।