गोरखा । ज्येष्ठ नागरिक संघ गोरखाको अध्यक्षमा पुनः मोहनलाल श्रेष्ठ निर्विरोध चयन भएका छन् । आज सदरमुकाममा भएको छौठौं साधारण सभा तथा चौथो अधिवेशनले अध्यक्षमा श्रेष्ठलाई निर्विरोध चयन गरेको हो ।
समितिको उपाध्यक्षमा दिलबहादुर बस्नेत, सचिवमा बोधप्रसाद अधिकारी, सहसचिवमा तुलसा मरहट्टा र कोषाध्यक्षमा जुनुमायाँ श्रेष्ठ चयन भएको ज्येष्ठ नागरिक संघका उपाध्यक्ष बस्नेतले जानकारी दिए ।
त्यस्तै गरी, बुधबार भएको अधिवेशनले सदस्यमा ध्रुव कुवर, जगन सिं गुरुङ, ईश्वर बस्नेत, अर्जुन बस्नेत, ईन्द्रबहादुर भट्ट र निर्मला श्रेष्ठ पनि सर्व सम्मत चयन भएका छन् ।
गोरखा जिल्ला अदालतका न्याधिश तेजेन्द्रप्रसाद शर्माको प्रमुख आतिथ्यतामा भएको अधिवेशनमा जिल्ला समन्वय प्रमुख मोहनबहादुर थापा मगर र गोरखा नगरपालिकाका प्रमुख कृण्णबहादुर राना मगरको समेत उपस्थिती रहेको थियो ।
