गोरखा । गोरखा अस्पतालमा हिजोदेखी जारी मुटु स्वास्थ्य शिविरमा १३ हजार भन्दा बढीले सेवा लिएका छन् । वयश्क र स्कुले बाललिका गरी २ दिनमा १३ हजार १७ जनाले शिविरबाट सेवा लिएका हुन् ।
रोटरी क्लब अफ गोरखा, गोरखा अस्पताल, रोट्याक्ट क्लब अफ गोरखा र इन्टरयाक्ट क्लब अफ ओल्ड क्यापिटलको संयुत्त आयोजनामा शुक्रबार र शनिबार भएको शिविरमा १२ हजार बिद्यार्थी र १ हजार १७ जना बयश्क मानिसले सेवा लिएको रोटरी क्लब अफ गोरखाका अध्यक्ष कृण्ण ढकालले जानकारी दिए ।
शिविरको पहिलो दिनमा गोरखा अस्पतालमा ६ हजार ८०० जना र सन्त जोसेफमा ३ हजार ३०० जनाले स्वास्थ्य जाँच गराएका थिए । भने दोस्रो दिन आज गोरखा अस्पतालबाट २ हजार ७१७ जनाले स्वास्थ्य जाँच गराएका थिए ।
स्वास्थ्य जाँच गराएका मध्ये ८२ जनामा मुटु रोग देखिएको भएता पनि ३६ जनाको भने तत्कालै शल्य क्रिया गनुपर्ने मनमोहन कार्डियोथोरासिक भास्कुलर तथा ट्रान्सप्लान्ट सेन्टरका बरिष्ट मुटु रोग विशेषज्ञ डा.अनिल भट्टराईले जानकारी दिए । डा.भट्टराईका अनुसार ३६ जना मध्ये १४ जना स्कुले बालबालिका र २२ जना बयश्क मानिस छन् ।
शल्य क्रिया गराउनु पर्ने मध्ये १४ जना बालबालिकाको सेभ द हटले निःशुल्क गराउने र अन्य २२ जनाको हकमा गरिब परिवारका मानिसलाई मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा निःशुल्क शल्य क्रियाको ब्यवस्था गरिने डा.भट्टराईले जानकारी दिए ।
शिविरमा ५३९ जनाले ईसिजी र ५९२ जनाको ईको समेत निःशुल्क गराइएको आयोजक संस्थाले जनाएको छ । शिविरमा स्वास्थ्य जाँच गराएकाहरुलाई विभिन्न कम्पनीले निःशुल्क औषधी बितरण गरेको थियो ।
शिविरमा मनमोहन कार्डियोथोरासिक भास्कुलर तथा ट्रान्सप्लान्ट सेन्टर, त्रिवि शिक्षण अस्पताल, गोरखा अस्पताल र पाटन अस्पतालका चिकित्सकहरुको टोलीले स्वास्थ्य जाँच गराएका थिए ।
चिकित्सकहरुको टोलीलाई आयोजकले आजै गोरखा अस्पतालमा बिदाई कार्यक्रम राखेर बिदाई गरेको थियो । सो अवशरमा चिकित्सकको नेतृत्व गरेका डा.अनिल भट्टराई सहित सबै चिकित्सकहरुलाई मायाँको चिनो र खादा लगाएर बिदाई गरिएको थियो ।
गोरखा ताङचोक गवटार निवासी परशुराम पन्तको सक्रियतामा सन २०१४/०१५ मा डा.भगवान कोईराला ल्याएर सुरु गरिएको मुटु स्वास्थ्य शिविर कोरोना महामारीका बेला २ बर्ष रोकिएको थियो । यो शिविर सहित गोरखामा छौटौ पटक शिविर सञ्चालनमा आएको हो ।
शिविरलाई चुमनुब्री गाउँपालिका बाहेकका अन्य १० वटा स्थानिय तहले सहयाेग गरेकाे पनि राेटरी क्लब अफ गाेरखाले जनाएकाे छ ।
