गोरखा । गोरखा सदरमुकाममा रहेको मानव सेवा आश्रमलाई भिन्न २ वटा संस्थाले नगद र खाद्यान्न सहयोग उपलब्ध गराएको छ । आश्रमलाई निर्माण ब्यवसायी संघ गोरखा र भिमकुल बचत तथा ऋण सहकारी संस्था लि.ले आर्थिक सहयोग र खाद्यान्न सहयोग उपलब्ध गराएको हो ।
आश्रमलाई संघले २७ औं राष्ट्रिय निर्माण दिवशको अवशर पारेर आर्थिक सहयोग र भिमकुल साकोसले २७ औं साधारण सभाको पूर्व सन्ध्यामा खाद्यान्न सहयोग उपलब्ध गराएको छ ।
संघले बिहीबार नगद १५ हजार र भिमकुल साकोसले शुक्रबार १० हजार ७७५ रुपैयाँ बरावरको खाद्य सामाग्री उपलब्ध गराएको आश्रमले जानकारी दिएको छ ।
सहकारीले चामल, दाल, तेल, चिनी, चियापत्ती, भूजा र बिस्कुट जस्ता सामाग्री उपलब्ध गराएको भिमकुल बचत तथा ऋण सहकारी संस्थाका अध्यक्ष कृण्णकुमार श्रेष्ठले जानकारी दिए ।
अध्यक्ष श्रेष्ठले सहकारीले कमाएको केही नाफाको रकमबाट सामाजिक उत्तरदायित्व अन्तरर्गत आश्रमलाई खाद्य सामाग्री उपलब्ध गराएको बताए ।