गोरखा । आज भएको प्रतिनिधीसभा तथा प्रदेशसभा निर्वाचनमा दिउसो २ बजेसम्म ३० प्रतिशत मतदान भएको छ । जिल्ला निर्वाचन कार्यालय गोरखाका सूचना अधिकारी रबि सुवेदीका अनुसार जिल्लाभर ३० प्रतिशत मत खसेको छ ।
निर्वाचन आयोगले गोरखा जिल्लामा कुल २ लाख २० हजार ६३७ जना मतदाता रहेको जनाएको छ ।
जसमध्ये क्षेत्र नम्बर १ मा ५७ हजार ३७५ जना पुरुष र ५८ हजार २२ जना महिला रहेका छन् । त्यस्तै गरी क्षेत्र नम्बर २ मा ५२ हजार ३९९ जना पुरुष र ५२ हजार ८४१ जना महिला रहेका छन् ।
जिल्ला भित्र २२२ मतदान स्थल मा ३१७ मतदान केन्द्र रहेको जिल्ला निर्वाचन कार्यालय गोरखाले जनाएको छ ।
बिहान ७ बजेदेखी भएको मतदानमा सामान्य विवाद बाहेक दिउसो २ बजेसम्म कुनै पनि मतदान स्थलमा अप्रिय घटना नभएको जिल्ला प्रहरी कार्यालय गोरखाका प्रहरी उपरिक्षक केदार खनालले जानकारी दिए ।
चिसाेका कारण बिहान मतदातमा खासै उतसाह नदेखिएता पनि १० बजे पछि भने मतदान केन्द्रमा उल्लेखनिय रुपमा मतदाता देखिन थालेकाे छ ।
जिल्लाको क्षेत्र नम्बर १ मा ९ पार्टी र १ स्वतन्त्र तथा क्षेत्र नम्बर २ मा १० पार्टी र २ स्वतन्त्र उम्मेदवार चुनावी मैदानमा छन् ।
