गोरखा । गोरखा सदरमुकामको रानीबन क्षेत्रमा प्रेसरकुकर बम फेला परेको छ । गोरखा नगरपालिका–८ को रानीबन क्षेत्रमा रहेको द वल्ड क्यापिटल माविमा रहेको मतदान केन्द्र नजिकै बम फेला परेको जिल्ला प्रहरी कार्यालय गोरखाले जनाएको छ ।
बम राखिएको कुरा बिहान मात्र थाहा पाएको जिल्ला प्रहरी कार्यालय गोरखाका प्रहरी उपरिक्षक केदार खनालले बताए । ‘मतदान सुरु भए पछि मात्र बम भएको बारेमा जानकारी पाएको’ भन्दै प्रमुख खनालले ‘तत्कालै बम डिस्पोजको लागि नेपाली सेनाको टोली परिचालन गरिएको’ बताए ।
अहिले बम भएको स्थानमा नेपाली सेनाले घेरा हालेको र डिस्पोजको तयारी भई रहेको जिल्ला प्रहरी कार्यालय गोरखाका प्रहरी निरिक्षक हिमनाथ घिमिरेले जानकारी दिए । उनका अनुसार केही समय भित्रै बम डिस्पोज हुने बताउ ।
बम रहेको स्थान मतदान केन्द्रबाट १० मिटर उत्तर पुर्वमा रहेको छ । बम फेला परे लगत्तै केही बेर मतदान रोकिएको भएता पनि अहिले मतदान सुचारु भएको छ ।
