गोरखा । बाम लोकतान्त्रिक गठबन्धनका उम्मेदवार राजेन्द्र बजगाईले पर्यटनबाट नै गोरखाको बिकास गर्न सकिने धारणा ब्यत्त गरे । गोरखा सदरमुकाममा आज बिहान भएको कार्यक्रमका बोल्दै उम्मेदवार बजगाईले गोरखा जिल्लाको समग्र बिकास पर्यटनबाट नै गर्न सकिने भन्दै यसमा गोरखाबासीको सहयोग आवश्यक रहेको धारणा ब्यत्त गरेका हुन् ।
नेपाल प्रजातान्त्रिक लोकतान्त्रिक उद्योग बाणिज्य संघ गोरखाको आयोजनामा भएको छलफल कार्यक्रममा गोरखा क्षेत्र नम्बर १ का प्रतिनिधी सभाका उम्मेदवार बजगाईले तनहुँको बन्दिपुरको उदाहरण दिदै गोरखा बजारलाई पनि त्यसै गरी पुनः संरचना गर्न सकेको खण्डमा स्वदेशी तथा विदेशी पर्यटकको आगमन हुने बताए ।
उनले गोरखा बजारलाई बन्दिपुरको जस्तो गरी पर्यटक बिकास गर्न सम्भव रहेको भन्दै विशेष गरेर गोरखा बजारमा जन्मिएर संसारभरी छरिएर रहेकाहरु गोरखाबासी त्यो पनि नेवार संप्रदायका मानिसहरुले आफ्नो लगानी आफ्नै क्षेत्रमा गर्ने र पुराना बजार क्षेत्रलाई मोटर निषेधित गरेर ब्यवसाय थालेको खण्डमा त्यो संभव रहेको बताए ।
कार्यक्रममा उद्योगी तथा ब्यवसायीहरुको गुनासो सुन्दै बजगाईले आफुले जितेर गएको खण्डमा संसदमा तथा निति तथा कार्यक्रममा उद्योगी ब्यवसायीहरुको गुनासा समेटने प्रतिबद्वता समेत गरे ।
सोही कार्यक्रममा सहभागी भएका प्रदेश १ (क) का साझा उम्मेदवार कृण्ण घितालले जिल्लाको बिकास पर्यटन मार्फत नै प्रचुर मात्रामा गर्न सकिने धारणा राख्दै बिकासमा बाधक नै कर्मचारी तन्त्र भएकोले जिल्लाको बिकास चाहे जती नभएको धारणा ब्यक्त गरे । उनले साझा उम्मेदवारबाट बिजयी भए पछि प्रचण्डलाई प्रधानमन्त्री र सुरेन्द्रराज पाण्डेलाई मुख्य मन्त्रि बनाउन सकेको खण्डमा जिल्लाको बिकासमा कायापटल हुने धारणा ब्यत्त गरेका थिए ।
उनले उद्योगी ब्यवसायीहरुको समस्या समाधानका लागि पनि जिल्लामा साझा उम्मेदवारले जित्नुपर्ने आवश्यकता रहेको बताए ।
कार्यक्रममा नेपाली काँग्रेस गण्डकी प्रदेशका महामन्त्री किरणबावु श्रेष्ठ ओली सरकारको अराजनैतिक क्रियाकलापलाई छेक्नकालागि गठबन्धनको निर्माण भएको भन्दै गठवन्धनको साझा उम्मेदवारलाई जिताएर पठाउन सकेको खण्डमा उद्योगी ब्यापारी तथा सबैको हित हुने बताए ।
कार्यक्रममा माओवादी केन्द्रका केन्द्रिय सदसय अमर तमु, गोरखा उद्योग बाणिज्य संघ र चेम्बर अफ कर्मशमा आवद्व उद्योगी तथा ब्यापारीहरुको सहभागीता रहेको थियो । नेपाल प्रजातान्त्रिक लोकतान्त्रिक उद्योग बाणिज्य संघ गोरखाका अध्यक्ष जिवनज्योति श्रेष्ठको अध्यक्षमा भएको कार्यक्रममा प्रदेश सदस्य रामबाजु जोशीले स्वागत मन्तब्य राखेका थिए ।
