गोरखा । आसन्त निर्वाचनलाई सफल बनाउन र गठबन्धनका उम्मेदवारलाई जिताउन विभिन्न ८ निर्णयहरु गरिएको छ । विहीबार माओवादी केन्द्रका जिल्ला अध्यक्ष विण्णु भट्टको अध्यक्षतामा भएको बैठकले उक्त निर्णहरु गरेको हो ।
बैठकले गोरखाबाट सत्ता गठवन्धनबाट संघ र प्रदेशमा उम्मेदवारी दिएका उम्मेदवारलाई विजयी गराउन वडा स्तरमा संयन्त्र निर्माण गरेर परिचालन गर्ने देखी कोण सभा तथा मतदाता भेटघाटलाई ब्यवस्थित गरेर लाने निर्णय भएको अध्यक्ष भट्टले जानकारी दिए ।
बैठकले चुनावी गतिविधीलाई ब्यस्थित पार्दै परिणामुखी बनाउन के के गर्न सकिन्छ भन्ने बारेमा ब्यापक रुपमा छलफल भएको र हालसम्म भएका चुनावी गतिविधीको समिक्षा गदैृ आगामी दिनमा अझै प्रभावकारी कार्यक्रम गरेर जाने निर्णय समेत गरेको छ ।
सबै स्थानमा युवा विद्यार्थीहरुको भेला गराएर प्रशिक्षण गराउने, उम्मेदवार संग सम्न्वय गरेर प्रचारप्रसार सामाग्रीहरु घर घर तथा मतदान स्थलसम्म पुरयाउने निर्णय समेत भएको छ ।
गठबन्धन भएका तथा जिल्लामा रहेका ४ पार्टीहरुको प्रतिनिधीहरुको बैठकले सबै बुथमा युवाहरुलाई परिचालन गर्ने समेत निर्णय गरेको छ ।
जिल्लामा गठबन्धनका तर्फबाट क्षेत्र नम्बर १ बाट संघमा काँग्रेसका तर्फबाट राजेन्द्र बजगाई र प्रदेश तर्फ (क) मा माओवादी केन्द्रका कृण्णप्रसाद धिताल र (ख) मा नेपाली काँग्रेसका नन्दप्रसाद न्यौपाने उम्मेदवार रहेका छन् ।
त्यस्तै गरी गठवन्धनकै तर्फबाट क्षेत्र नम्बर २ मा संघ तर्फ माओवादी केन्द्रका अध्यक्ष पुष्पकलम दाहाल (प्रचण्ड) र प्रदेश तर्फ (क) मा नेपाल समाजबादी पार्टीबाट फणिन्द्र देवकोटा र (ख) मा नेपाली काँग्रेसका नेता सुरेन्द्रराज पाण्डेले उम्मेदवारी दिएका छन् ।
