गोरखा । द ओसन क्लबको आठौं साधारणसभा आज सम्पन्न भएको छ । गोरखा नगरपालिका–९ मा रहेको क्बलले सोमबार एक कार्यक्रम बिच साधारणसभा सम्पन्न गरेको हो ।
साधारणसभाको प्रमुख अतिथी रहेका गोरखा नगरपालिका–९ का वडाध्यक्ष कुलबहादुर कुवरले साधारणसभाको उदघाट्न गरेका थिए ।
साधारणसभामा गोरखकाली बचत तथा ऋण सहकारी संस्थाका अध्यक्ष सुजन कुवर, लक्ष्मी सामुदायिक शिक्षा सदनका प्रिन्सिपल कमल थापा, वडा सदस्य देवेन्द्र बस्नेत, सल्लाहकार कपिल नेपाली लगायतले शुभकामना मन्तब्य राखेको अध्यक्ष अमित खत्रीले जानकारी दिए ।
साधारणसभाले आ.व ०७८–७९ को प्रगति प्रतिवेदन तथा आर्थिक प्रतिवेदन पास गर्नुका साथै क्लबका अध्यक्ष खत्रीले प्रस्तुत गरेको आ.व ०७९–८० को नीति तथा कार्यक्रम पनि पारित गरेको क्लबले जनाएको छ ।