गोरखा । जिल्ला प्रहरी कार्यालय गोरखाले सबैलाई सचेत रहन आग्रह गरेको छ । कार्यालयले आज एक सूचना जारी गर्दै चाडबाडका बेला चोरी हुन सक्ने भन्दै सबैलाई सचेत हुन आग्रह गरेको हो ।
कार्यालयले जारी गरेको सूचनामा विकृति विसंगतिको अन्त्य सभ्य समाजको परिकल्पना हाम्रो चाहाना भएको भन्दै सबै गोरखाबासीलाई २०७९ सालको शुभ दिपावली एवं छट पर्वको शुभकामना दिदै अन्य बेला भन्दा यो बेला अलि बढी सचेत हुन भनेको जिल्ला प्रहरी कार्यालय गाेरखाका प्रहरी उपरिक्षक केदार खनालले बताए ।
प्रहरीले घर भित्र रहँदा वा बाहिर जानु पर्दा मुल गेट तथा झ्याल ढोका राम्रो संग बन्द गर्न, बाहिर जादाँ छिमेकीलाई जानकारी गराएर रेखदेख गरिदिन भन्न तथा बहुमुल्य चिज बस्तु (गर गहना तथा नगद) बैंक तथा बित्तिय संस्थामा राख्दा बढी सुरक्षित हुने पनि प्रहरी उपरिक्षक खनालकाे भनाई छ ।
प्रहरीले कुनै पनि अवस्थामा सहयोग आवश्यक परेको खण्डमा जिल्ला प्रहरी कार्यालय गोरखा अन्तरर्गत रहेको १००, १०४, ०६४(४२०१९९, ९८५६०९०२५५ वा ९८५६०९०८५५ मा फोन गर्न समेत अनुरोध गरेको छ ।
गोरखा प्रहरीले के के गर्न भन्यो त पढौं न त ?
१) सुरक्षाका आधारभुत तत्व नै होसियारी हो तसर्थ चोरीबाट बच्न होसियारी अपराउनुहोस ।
२) घर भित्र रहँदा वा बाहिर जानु पर्दा मुल गेट तथा झ्याल ढोका राम्रो संग बन्द गर्नुहोस ।
३) अत्यावश्यक कामले परिवारको सम्पुर्ण सदस्य घर बाहिर जानुपर्दा छिमेकीलाई घरको रेखदेखको लागि जानकारी गराउनुहोस ।
४) बहुमुल्य चिज बस्तु ९गर गहना तथा नगद० बैक तथा वित्तिय संस्थामा राख्ने गर्नुहोस ।
५) कुनै वस्तु वा व्यक्ति उपर शंका लागेमा तुरुन्त नजिकको प्रहरीलाई खबर गर्नुहोस ।
६) आफ्नो टोल छिमेकमा आउने अपरिचित मानिसहरुको क्रियाकलापमा ध्यान राख्नुहोस ।
७) चाडपर्व भिडभाडमा जाँदा बहुमुल्य गरगहना नलगाउनुहोस ।
८) आफ्नो धन सम्पत्तिको सुरक्षाका लागि अपनाउनु पर्ने सुरक्षाका उपायहरु समयमा नै अपनाउनुहोस ।
९) आफ्नो सवारी साधनको ढोका, मोटर साइकलको हेन्डल लक गरेर मात्र सवारी पार्किङ गर्ने बानी बसालौं, सकभर अँध्यारो र एकान्त स्थानमा पार्किङ नगरौं, एक छिन त होनी भनि हेलचेक्राई नगरौं ।
१०) रातको समयमा कसैले बजाएको घण्टी सुनी ब्यक्तिको पहिचान नगरी ढोका नखोलौं, बोलाएको ब्यक्तिलाई राम्रो संग पहिचान गरेर मात्र ढोका खोल्ने गरौं ।
११) चोरी भएको जानकारी पाउना साथ तुरुन्त प्रहरीलाई खबर गर्नुहोस ।
१२) बैंक वा वित्तिय संस्थाको कारोवारमा गोपनियता राख्नुहोस ।
१३) अपरिचित व्यक्तिले विना बिल कुनै सर(सामानहरु बेच्न ल्याएमा चोरीको हुन सक्छ तसर्थ त्यस्ता सामान नकिनौ र तत्काल नजिकको प्रहरीलाई खबर गरौं ।
१४) आफ्नो घर, पसल, कार्यालयको झ्याल, ढोका, शटरहरुको चुकुल, लक, तालाको अवस्था के छ राम्रो संग चेक जाँच गर्नुहोस ।
१५) आफ्नो घर, कार्यालय, पसल अगाडी वत्तीको व्यवस्था गर्नुहोस ।
१६) आफ्नो गाँउ घर, टोल छिमेकमा कुनै अपरिचित र संकित व्यक्तिहरुको अस्वभाविक गतिविधि देखिएमा तत्काल प्रहरीलाई खवर गर्नुहोस । तपाईको सम्पूर्ण विवरण गोप्य राखिनेछ ।
१७) तपाईको घर, पसलहरुमा सम्भव भए सम्म सि।सि। क्यामेरा राख्नुहोस ।
१८) मादक पदार्थ तथा लागु पदार्थ आफू पनि सेवन नगरौं र छर छिमेकका साथी भाईलाई पनि यसबाट टाढा रहन सचेत गराऔं ।
१९) उपभोग्य सामानहरु खरिद गर्दा होसियारी अपनाउनुहोस । मिसावटजन्य वस्तुहरुको प्रयोग नगर्नुहोस ।
२०) हो(हल्ला तथा गुण्डागर्दी जस्ता कार्यहरु नगरौं, सो भए गरेमा तत्काल नजिकको प्रहरी कार्यालयमा खबर गरौं ।
२१) अपरिचित व्यक्तिले दिएको केही पनि नखाऔं, प्रलोभवमा परि केही सामान साटफेर पनि नगरौं ।
२२) बजारमा नक्कलि नोटहरु लिएर सामान खरिद गर्न आउन सक्ने भएकोले नोटहरुको पहिचान गरेर मात्र कारोवार गर्न हुन का साथै कुनै शंका लागेमा नजिकको प्रहरी कार्यालयमा खबर गर्न हुन अनुरोध ।
२३) मादक पदार्थ सेवन गरी सार्वजनिक स्थलमा हो(हल्ला नगरौं ।
२४) जुवा, तास, कौडा नखेलौं र नखेलाऔं ।
२५) पटका, आतासबाजि, भुईचम्पा लगायतका बिष्टफोटक पदार्थहरुको प्रयोग नगरौ
२६) रातको समयमा नौ बजे पछि देउसी भैलो नखेलौ, सभ्य रुपमा देउसि खेलि संस्कृतिको संरकक्षण गरौ ।
२७) मादकपदार्थ सेवन गरी सवारी नचलाऔं ।
